Toby efa nanana tantara toy izao tamin’ny fotoana teo aloha ihany no isehoan’ny tantara androany. Ny toby RFI eny Ivato, tsy lavitra ny seranam-piaramanidina.
Vao maraina nanodidina ny tamin’ny 5 ora dia nisy andia-miaramila nirongo fiadiana PM, PA, Kalack notarihan’izany Caporal Koto Mainty antsoina amin’ny hoe « Black Man » izany, mpiambina manokan’ny Minisitry ny Fiarovana teo aloha, Général Rakotonandrasana, niditra tao amin’ity toby ity, ka nampirefotra ny fitaovam-piadiany mba ho fampitandremana sy hanakanana ny ety ivelany tsy hiditra.
Somary tsy dia nampino ny sasany ihany ny fampitàna ity vaovao ity tany am-piandohana, saingy rehefa nanomboka niparitaka kosa moa ny tweets sy hafatra FB isan-karazany dia taitra ihany izay nilaza azy tsy ho taitra.
Ny marainan’ny androany tokoa mantsy dia nandefa feo voarakitra ho an’ny onjam-peo tsy miankina iray teto an-drenivohitra ireto mpihoko, ka tamin’izany no nilazany fa efa noho ny fahasahiranana tafahoatra iainan’ny vahoaka Malagasy dia :
….mijoro ny Komity Miaramila ho Fanavotam-pirenena, mihatra ny lalàna mifehy ny tany miady, aoka ho tony ny rehetra ka hanaraka tsy tapaka ny radio sy ny televiziona. Masina ny Tanindrazana.
Ato ny feon’ilay mpitarika notsoriahana nalaina tamin’ny scoop #FreeFM
Toy izay ilay fanambarana nataon’ny mpitarika tao amin’ny RFI Ivato. Ary vao mainka niha-nafàna koa ny raharaha teny an-toerana. Nitohy ny fifampitifirana mitsitaitaika. Izay nikisaka tsikelikely ho any amin’ny fampiasàna ny mavesabesatra kokoa.
(Nesorina androany maraina ny rohy mankany amin’ny feo, noho ity hafatra ity hita tao amin’ny rindrin’ny namana iray ao amin’ny Facebook io maraina -23 / 07 /2012- io milaza hoe noho io feo nalefan-dry zareo io no itadiavana ny tao amin’ny FreeFm sy hisamborana an-dry zareo.)
Tokony ho tamin’ny 7 ora sy sasany hariva teo dia niverina niakatra teny Ambohimitsimbina indray ny mpitandro filaminana iray camion, saika haka ny émetteur ny Free FM, soa fa vao teo am-piantsonana ry zareo dia mba efa nampandre ny mpiara-miasa tato amin’ny onjampeo ny mpifanolo-bodirindrina ka mba tafatsoaka soamantsara ireo mpiara-miasa, tany anaty kirihitr’ala tany, ary mba voavonjy ny émetteur sy ny solosaina iray. Trano efa foana no novantanin’izy ireo tao.
Tena ramatahora sy fampihorohoroana no misy, satria dia niteny tao amin’ny TVM ireo lehiben’ny mpitandro filaminana ary dia nilaza fa henjehina ilay onjampeo namoaka ny fanambaran’ireo mpikomy tao amin’ny RFI Ivato tamin’ny maraina, izany hoe ny Free FM io izany.
Tsy izahay no namaky ilay fanambarana fa nampita fotsiny izahay, ary vaovao rahateo izany, fa zany hoe tsy mety amin’ity fanjakana Jadona ity dia ilany vaniny.
Tamin’ny 17 novambra 2010 anefa raha nisy fikomiana toy izao ihany koa tao amin’ny BANI Ivato dia namoaka ny fanambaran’ireo mpikomy ny haino amanjery tahaka ny Tv plus ohatra fa tsy mba nenjehina fa rehefa Free FM dia maika ery hanenjika ilay Fitondrana.
Hatramin’ny oviana no hampiasa ramatahora toy izao ity fanjakana ity? Fa angaha moa tsy zava-nitranga niadivana tamin’ny 2009 ity maka ankeriny émetteur-na onjampeo tsy mitovy hevitra amin’ny mpitondra ity? Nefa dia averin’ilay nitarika ny olona hitolona tamin’izany izy ankehitriny rehefa nahazo Fitondrana izy.
Dia izay ve izany ilay fiovana? Asakasatsika fa matoa mbola tsy taitra isika mbola mety izany zao zavamisy iainan’ny firenena izao koa, ny Free FM dia nanapa-kevitra fa mba ho fiarovany ireo mpiara-miasa rehetra sy ny fitaovana kely mba ananany, dia tsy handefa ny onjampeo intsony aloha satria mahatsapa rahateo fa tsy misy mihitsy araka izany ny fahalalahana hiteny raha vao maneho hevitra na mampita vaovao tsy dia metimety amin’izay tian’ny fanjakana Rajoelina. I
antsorohanay tanteraka izay fanapahan-kevitra izay, mety ho faharesena angamba, koa basy sy miaramila ve no miambina anao raha vao miteny ianao ahoana moa no tsy ho resy ny tanam-polo toa anay?
Midera ny herim-pon’ny mpiara-miasa rehetra, ary mankahery antsikafa tsy maintsy misy farany ny zavatra rehetra. Fisaka loatra ny marina ka saro-tadiavina saingy tsy misy ratsy manjaka mandrakizay izany. Mino koa isika fa raha hisy koa ny farany, tsy ho foana ny fanantenantsika an’Andriamanitra.
(Raha araka ny hafatra ihany dia i Lalatiana RAKOTONDRAZAFY no niteny mivantana azy ity tao amin’ilay onjam-peo)
Nisy ireo zotram-pitaterana fiaramanidina no nanafoana ny sidiny mandalo an’Ivato AIR France, Kenya Airways, sns.., raha toa kosa ka namela malalaka ny fipetrahana ihany ny teny an-toerana. Ny miainga no voasakana. Mety ho azo an-tsaina ihany ny anton’izay satria ny fidinana dia toa avy aty amin’ny faritra mifanohitra amin’ny misy ilay fikomiana.
Nandefa filazana fampitandremana ho an’ireo terataniny avy hatrany ireo masoivoho vahiny teto an-toerana mba tsy handalo eny amin’ny manodidina, ary ireo mihevitra ny handray sidina ho aty Madagasikara, mba hanatona ny kaompania tokony hitondra azy aloha. Isan’ny nanao izany ny Frantsay sy ny Amerikana
US Embassy Madagascar
Emergency Message to American Citizens:The Embassy has received reports of soldiers taking over a military base near to the international airport in Antananarivo. Gunfire has been reported. Flights in and out of the airport have been suspended. American citizens in Madagascar are advised to avoid the area until the situation is resolved. Americans planning to travel Madagascar should check with their airlines before commencing travel to the country
Isan’ireo sidina nofoanana tamin’ity anio ity ireto : La Réunion, Paris, Maurice, Johanesbourgh, Djaodji, Nairobi.
Sarotra tokoa ho an’ny mpanangona vaovao ny nanangona izany teny an-toerana, isan’izay ity tranga iray notaterin’ny #Antsiva ity he, niezaka nanatona ny RFI ny mpanao gazety saingy noroahana sy nanapoahana basy ka samy nihazakazaka nanavotra aina avokoa.
Tao anatin’ireo fifampitifirana ireo dia voalazan’ny TV Plus Madagascar fa maty nandritra ity fihokoana androany ity ny Capitaine Pascal nanao fanelanelanana, zazavao iray, ary ny Caporal Black ilay nitarika ny gidraka.. Ny loharano avy eny an-toerana koa no mbola nilaza fa mbola misy lieutnant iray hafa maty, ary misy polisy iray nanao fanamiana sivily maratra.
Alisoa Rasoanaivo 14H08: Antsiva, manomboka ny fanafihana ao RFI , manala ny sivily manodidina rht ny miaramila zaoRT @newsmada: Assaut donné. Lance roquette utilisé
Les mutins essayent aussi de sortir du camp
#Ivato
Tao amin’ny #MaTV no nandrenesana fa hoe nandositra ny mpiambina teo ivelan’ny RFI raha vao nisy zavatra nipoaka mafy avy ao anaty toby (Lance roquette ve?)
Fa teny an-tsefantsefan’ny fifampitifirana teny dia nisy ny fiarabe niala avy eny Ampahibe namonjy ny teny Ivato sy nijanona teny Andanomena. Ary ankoatra izay dia nisy ihany koa ny 4 X 4 pick-up nivezivezy avy ao amin’ny BANI nankao amin’ny RFI.
Tokony ho tamin’ny 5:20 hariva dia tsinjon’ny teny an-toerana mandositra mivoaka ny toby ireo miaramila avy ao an-toby noho ny fanafihana ny RFI. Asa fanadiovana, na ratissage moa no nolazaina fa natao sisa nanomboka tamin’io fotoana io.
Nandritra ny 12 ora mahery araka izany no nisy ny fifanakalozana tifitra tamin’ity androany ity, 12 ora mahery satria tsy nitony izany raha tsy efa dila ny tamin’ny 7:10 hariva.
Nivoaka daholo izao karazana eritreritra samihafa izao, niainga tany amin’ny fiahiahiana azy iny ho sarin’ady natao ho fialàna bàla tsy hankanesana any Seychelles hifanatrehan’i Andry Rajoelina sy Ravalomanana Marc, ka tonga hatrany amin’ny hanihany nahatsiarovana ny tantara an-tsary famakin’ny ankizy fahiny.
Hery Zo Rakotondramanana bon, yapluka attendre Remenabila passer du côté du RFI Ivato pour saluer tout ce beau monde qui est en train de jouer à cache-cache à balles réelles … Ensuite Benandro arrivera pour sauver la situation … et ce sera un happy ending 🙂 Je crois que ce scenario foireux que je viens d’inventer il y a quelques secondes tient plus la route que ce qui est réellement en train de se passer à Ivato depuis ce matin … Quitte à faire un film, autant être plus créatif, non?
Rija Ramangalahymety miaraka amin’i » Roger RAMAHAMAY » zany zao i Remenabila raha toa ka miditra antsehatra i Benandro… mdr! Hery Zo Rakotondramananahahaha … efa hitan’i Profesora Mahiratra fa hitranga io zavatra io androany LOL Maminirina Radifera Ranaivosonka toa i Bobel anie hono no fototry ny olana e, tsy mahazo avoaka ny toby. hihihi Hery Zo Rakotondramananaizany an … Mila ny ekipan’i Belamonta sy ry Paingotra izany ity resaka ity vao tafa kty … Rija Ramangalahyaleo antsoina i Radamaranja, ilay tsimatimanota….aza adino sergent Metisy…sy Dontofetsy sy Venà….hahahaha, tapaka ny tsinaiko marina mafy mieritreritra ny boky taloha. Merci e Hery Zo Rakotondramananaireo angaha ahavita inona mihintsy fa lanin’i Zilibe Fleurys ny kalin’ireo LOL Rija RamangalahyTenenina i Zilibe wé bedin’i Baomirana eo we, d milamn am’zayMaminirina Radifera Ranaivosonomen’Ikotofetsy ny fita-bitro kely ireo rehetra ireo dia fanina fa jereo tsara anie e Hery Zo Rakotondramananafa hono tokoa ho’aho e …. f’angaha tsy misy inspecteur Toky eny @ RFI eny e? Maminirina Radifera Ranaivosonmbola lasa niaraka amin’i Bako mpitsongo dia izy e. kaoms Ratandra no tavela ao Rija Ramangalahy efa retirety izy, lany pile le force X d ts nandé tsony… ts mandé am pile vaovao tsony Hery Zo Rakotondramanana Rija Ramangalahytsy mandeha amin’ny pile Peony ve? krkrkrkr … Aleo indray i Avotra aza no antsoina raha izany fa resaka « fitiava-tanindrazana » ity raharaha ity e Nivo H. Ramangalahyfilm dontofetsy e! Rija Ramangalahyhahahahahaha, ie. tsy compatible pile Peony mitsy… mdr Hery Zo Rakotondramanana Maminirina Radifera Ranaivosonka toa ho be loatra ny manam-boninahtra eny izany koa: sady kaoms ratandra ve ny inspecteur Toky kanefa hanenjika an’i Bobel Fandza Ainails avaient besoin d’un peu d’action kosa eh sao tsisy i éliminena toxines .. 😀 Tsilavina RandrianariveloRa Danz angaha tsy any koa e ? Hery Zo Rakotondramanana Tsilavina Randrianarivelooadray … saika adino ny rôla 🙂Jinx RajohnMdrrr. Iza mahalala an zay ataon dry zareo ao. Si ça se trouve ils sont en train de se disputer qui tirera le prochain coup. Mody atao hoe…. Enjana be ny metteur en scène Hery Zo Rakotondramanana Jinx Rajohnptet bien que oui …toa hoe Chuck Norris hono ilay tao anatin’ilay 4*4 fotsy? ptdr
@jentilisa dia manontany momba ny zava.niseho androany raha toa zavatra noforonina sy fandrebirebena mba hanemorana ny fihaonana tokony hisy amin’ny herinandro no nisy.
Zo Andriamifidisoa cinema un 22/07 à #Madagasikara, y a pas d’autre chose + inventée et + credible pour ajourner sommet à deux? koi d’autre? #Madagascar
And if the real purpose of this mutiny was just a masquerade to prevent the meeting between #Ravalomanana and #Rajoelina? #Madagascar #Ivato
Iza no hahazo tombony, iza no ho faty antoka? Hoy indrindra i @jentilisa tao amin’ny Twitter
Kel k’en soit l’issue de 7 affrontement, le grand perdant sera tjr Ravalomanana Marc et sa mouvance
Ny fanehoan-kevitry ny Jeneraly RAMAKAVELO Désiré ato
Isa farany voaray : 3 no maty, 4 naratra, 30 zazavao noraisin’ny BANI rehefa nitsoaka avy ao, 74 mpihoko voasambotra ka 4 amin’ireo sivily
Filed under: ady sy fifandirana, anao ny fitenenana, fandriampahalemana, fiaraha-monina, politika, tantaram-pirenena, tapatapany | Tagged: #Caporal_Black, #FreeFM, #Rakotonandrasana noel, #RAKOTONDRAZAFY, #RAMAKAVELO, #UsEmbassy, BANI, Ivato, Rajoelina, Ravalomanana, RFI | Leave a comment »