Lozam-pifamoivoizana nataonà vadin’ny CST

Tatitra avy amin’ny fianakavian’ny niharam-boina no ampitaina etoana.

Iray volana lasa izay (7 Jona 2011), dia nisy vadinà mpikambana iray ao amin’ny CST nandona zazalahy iray teny amin’ny Lalamben’i Masay. Tapaka taolam-pe tamin’izany ny niharam-boina. Tsy ity vadina olona ambony ity anefa no nijanona hanolo-tena hitondra ny niharam-boina ho any amin’ny hopialy, fa mbola nindrana olon-kafa izy hanao izany amin’ny toerany.

Nampitondraina  vola 100.000 Ariary io ho saran’ny fikarakarana maika, nefa dia lany tamin’iny andro iny ihany izany vola izany (HJRA). Taorian’io andro voalohany nisehoan’ny loza io dia mbola tonga nanatitra 200.000 Ariary indray ilay ramatoa iraka, no sady niteny fa izay no farany fa tsy hanome intsony ry zareo, ka afaka mitory raha te-hitory fa maharaka izy ireo.

Ny olana amin’ity loza ity dia sahirana ireo fianakaviana, satria tokony hiatrika fandidiana ilay naratra. Efa nasiana vy moa mitazona ny taolana tapaka sy hanitsy ny tsy mety. raha ny filazan’izy ireo hatrany. Nefa toa mihombo ny fery, ary izay no ilàna ilay fandidiana maika. Izay tsy manam-bola moa dia miandry ny rariny any amin’ireny toeram-pitsaboana sasany ireny, na dia miankina aman’aina aza ny raharaha.

Atahoran’ireo manana ny tsy salama hivadika ho homamiadana ny fery mahazo ny fianakaviany. Koa dia niezaka indray ireto farany mandefa antso ho an’ilay nahavanon-doza sy ny malala-tànana mba hanampy azy ireo.

Mbola ny havan’ny marary ihany no niteny fa na dia nanatona ny polisy aza izy ireo, ary ireto frany no mifandray tamin’iretsy nandona, dia valinteny toa manao hoe « ampiakaro fa manaraka eny amin’ny fitsarana izahay » no azony.

Marihana etoana fa CST avy any Morondava, hono, no vadin’ity ramatoa nandona ity.

Takaitra mandra-maty, ary mety ho fahafatesana mihitsy aza moa raha sanatria tonga amin’ilay hoe homamiadana no mahazo ilay niharam-boina.

Asa na mba aiza ho aiza no fahazakan’ny olona ny anaram-boninahitra mipetraka eo an-tsorony, raha mandinika ity tranga ity ny tena? Toa mampahatsiahy ilay tranga henoko fahiny tany Antsirabe tany: Karana iray nandona nahafaty zaza, ka rehefa tezitra ny vahoaka dia izy indray no niteny hoe: « ohatrinona ny kilao? fa aloany » .  Sanatria ve mety ho metisy karana izay olona izay sa mba Malagasy ray,Malagasy reny, fa dia manao vain-drahalahy tsy mba maharary. Sanatriaviko. Ary raha mba ny fianakviany, na ny zanaka naloaky ny kibony no nisy nanao toy izay, na namoahana vava toy izany, mety ho navelany ho vita mora ve? Tsy matoky aho, raha izao fihetsika izao no hakantsika taratra ny mety ho toe-tsain’ny olona resahana.

Efa nanatona ny Gl Dolin, filohan’io andrim-panjakana io moa ny fianakavian’ny tra-pahavoazana, ka nahazo valinteny fa hoe  » voaray ny amin’ity fa dia hodinihanany ary mampiantso anao izahay amin’nmanaraka » . Rahoviana io? Satria ny marary, araka ny tenin’ny fianakaviany, dia mila fandindiana maika, izay tsy efan-dry zareo ny sarany

Ao amin’ny Traumatologie, sampana momba ny taolana, efitrano 3xx ity maratra ity.

Sakan-dàlana: very ny 3 milliards FMG, karama Congres de la

Fanavaozam-baovao 20h 45 :  Raha ny vaovao tamin’ny TV Plus Madagascar  izao alina izao dia manamafy ny voalazako etsy ambany hoe mampiahiahy ilay fanafihana nahaverezam-bola. Toa sarimihetsika ihany, satria izay olona nanontanian’ny mpanao gazety momba ny toerana mtena nitrangan’ny fanafihana dia tsy misy ‘mi-colle’ hoy ilay fiteny mahazatra antsika izay. Samy manana ny filazany , na ny mpamily, na ny mponina manodidina, na ny mpivaotra teo amin’ny manodidina, na ny teny akaikin’ny vavahadin’ny parc Tsimbazaza. Tsy  mazava koa na FMG na Ariary ny masom-bola (loharano: vaovaon’ny  TV Plus)

+++++++++++++++++++++++++++++++++++++++++++++++++

 

Tamin’ny 1 ora sy sasany tolakandro, androany dia voaroba ny vola tokony handoavana karama Congres de la Transition.

Eo ampiandrasana ny fanambarana amin’ny fomba ofisialy dia ireto no azo aroso:

Avy eny amin Tresor ho eny Tsimbazaza, ka teo akaikin’ny vavahadin’ny valan-javaboahary Tsimbazaza no nisy Galoper na Toyota volom-batolalaka (gris) nisongona nibahana lalana ary nampidina ny mpandeha rehefa avy nanambana basy, ka  nentiny niaraka taminy ny 6951 TAF maintso, Galoper an’ny Antenimiera. Mpanafika 4 na 5 ireo jiolahy raha araka ny fanamarihan’ny mpamily voatafika. 4Olona 4 no tao anatin’ny fiara voatafika ka 1 mpamily, 2 vehivavy mpisahana ny fandoavana karama ary 1 irakiraka na planton.

Mitentina 3 milliard FMG no vola very. Tsy nisy ny escorte, na tao anatiny, na nanaraka ny fiara nitondra ny vola, nefa dia manana antokon-tafika iray manontolo nyAntenimiera  ao Tsimbazaza, .

Tsy nisy basy nipoaka, mazava fa tsy nisy naratra na maty.

Ny mpiasa milaza fa tsy nisy miaramila izany nanaraka vola hatrizay, ny mpamily toa milaza fa nisy saingy tamin’ity indray mitoraka ity no tsy nisy.

Somary mahagaga ihany ny zavatra mitranga satria volabe no nalaina, dia tsy hisy ve ny tomponandraikitra ho tonga saina ka handray ny fepetra mifanandrify amin’izany?

Rehefa dinihana ihany koa ny fitantaràna dia mampiasa saina ny hoe, tsy maintsy zavatra efa nomanina avy ao anatiny ny toy izao, ary mety ho tsikombakomba iraisana.

Enga anie tsy ho famerenan-desona na fanazaran-tena aminà sarimihetsika ity zavatra mitranga ity.

May ny TIA Shop / TIA COM etsy Analakely

Efa any an-tafon-trano ny afobe, nefa ny varavarana aty ambany tsy mbola misy novohana

Tsy vitsy amintsika no efa nividy zavatra, na farafaharatsiny nandalo teo amin’ity magazay iray lehibe etsy ampitan’nyInstitut d’Hygiene Social ity. Ny TIA Shop / TIA COM etsy Analakely no tiana hasiana resaka.

Nirehitra teo anelanelan’ny tamin’ny 7 ora sy 7ora sy sasany teo izy io. Betsaka tokoa ny fahavoazana. Latsaka ny ranomason’ireo very fananana, nolelafin’ny afo. Niezaka nanao izay ho afany hifehezana nyafao ihany koa ny mpamonjy voina avy etsy Tsaralalàna, saingy tsy voafehy ny afo raha tsy efa tany amin’ny manodidina ny tamin’ny 9 ora sy 30 mn alina tany ho any.

Zavatra iray isan’ny saiky ratsy tamin’ity indray mitoraka ity ny nisian’ny mpanao gazety iray, manana namana ao amin’io magazay io, ka nanolo-tena nanampy ireo mpamoaka entana mba hanavotra izay azo avotana, tsy nifankahalala tao anaty fisafotofotoana anefa ny rehetra, ka dia noheverin’ny tra-pahavoazana ho toy ny mpangalatra ranamana, ary dia saiky matim-bono raha tsy nisy niaro ara-potoana. Very tao anatin’ity safotofoto ity koa ny findain’io mpanao gazety namana io.

Zavatra faharoa nanamarika ahy teny an-toerana koa ny fisian’ny iray tamin’ireo mpamonjy voina nivazavaza tamin’ny olona teo aminìny manodidina. Kiriana moa ny olona rehefa misy tranga toy ireny ka dia mitangorona sy manelingelina tokoa. Ny mpamonjy voina etsy efa sahirana sy mitolona hanao izay tratra hamonoana ny afo, ny olona koa sarotra tenenina. Dia tena mamo tokoa ilay iraikalahy niteny ny olona, sady mamon’ny asa, no mamon’ny rano (ilay rano mafana io lazaina io an). Nifangaro ireo zavatra roa ireo ka tsy atao mahagaga raha tonga hatramin’ny teny tsy mihaja niloaka ny vavany.

Tsy hain’ny mpanoratra izay antony, fa dia fotoana elabe (tamin’ny 8 ora 30mn) tany ho any vao tapa-kevitra ny hamaky varavarana ny mpamono afo. Talohan’izay dia ny tifi-davitra sy tifi-danitra hatrany no nampiasàna ny rano. Mbetika atondro mankany amin’ny varavaran-kely, mbetika alefa avy any ambony tafo any ny rano, mbetika koa avy eny an-davarangan’ny trano iray teo akaiky teo.

Tamin’ny 9 ora teo ho eo dia notapahana ny herinaratra. Efa nisy rahateo ny tariby tapaka nilatsaka tamin’ny tany, nefa ny toerana nitrangan’izay manoloana ny IHS somary maizimaizina ihany.

Karazan’entna maro no namidy tao amin’ity toerana ity: ny finday, lamaody, kojakojan-tokantrany, sy ny maro hafa.

Hain-trano niniana natao ve sa nateraky ny inona ity niseho tao Analakely ity? Tsy fantatra aloha ny valiny hatreto. Mifamahofaho be ihany mantsy ny filazàna azo avy amin’ireo tra-pahavoazana sy nanana toeram-pivarotana tao, tao ny nilaza fa efa nisy tamin’ireo mpivarotra no nitaonaentana andro vitsy talohan’ity fahamaizana ity. Ary nisy mihitsy ny nahavita niteny fa ireo Sinoa mpivarotra ao amin’io toerana io no ahiahiana amin’ity hain-trano ity. Misy ary ve izany ny ady mangatsiaka eo amin’ny samy mpivarotra, sa inoa no tena marina?

Mandra-piandry an’izay anefa dia ndeha ianareo mpamaky entina an-tsary ho eny an-toerana

Tsy nifankahitana ny setroka indraindray

Mafy ihany ny asan'itony mpiady amin'ny setroka sy afo itony an!

Isan'ireo nanam-bintana nahavita nanavotra ampahan'entana ry zalahy ireto

Mivarotra aina maka itony kely tsy lanin'ny afo itony any anaty setroka any, no sady misedra ny fafy rano avy amin'ny mpamonjy hain-trano

ny mamoaka aloha no tanjona, dia mametraka izany eny amoron-dàlana, avy eo mitady izay hevitra manaraka

Mianika lavarangan'olona mba hahafahana mitifitra rano avy eny

 

Ity angamba no toeram-pivarotana tsy dia nahita faisana loatra miohatra amin'ireo hafa namany. Afaka namoaka izay tao anatiny, no sady tsy tratry ny afo koa

Efa nilelaka ny rindrin'ity trano mirehitra jiro ity koa ny afobe. Toa azo sary an-tsaina ny hafanana niaina tao anatiny tao sy ny mety ho fahasimban'izay zavatra nanakaiky na nihantona tamin'ny rindrina. Ity sary ity dia azo minitra vitsy talohan'ny nanapahan'ny JIRAMA ny herinaratra teo amin'ny faritra

 

Ety afovoan'ny arabe, miandry izay hitaterana ny tapa-porohana

 

Ho an'ity tompona magazay iray ity izao, mba ampahafirin'ny entana tao am-pivarotana re ireto avotra ireto e?

Rehefa avy novakiana ny varavarana avy aty amin'ny ambany rihana

Efa masaky ny afo talohan'ny nisokafan'ny trano ny entana

Aleo jerena ihany sao mbola misy ny azo raisina

ankoatry ny setroka toy izao, dia misy koa ny fipoahana mateitetika avy ao anatiny ao

Hitombo indray ny very asa, hampitombo laharana ny chomeurs. Krizy miampy krizy ity. Tana mihinan’ny taaaadin-kiraro mihitsy.

 

Mianatra mi-blaogy fa tsy miblagy

Na vitsy aza ny mpianatra, mitohy ny fampianarana mamorona bilaogy sy manoratra ato amin’ny Foiben’ny asa fanaovan-gazety WWF / Antsakaviro.

Mahafinaritra ny fahalinan’ny maro amin’ity tontolo iray midadasika ity.

Natomboka tamin’ny famerenana malakilaky ny lesona teo aloha, ho an’ireo vaovao ny fotoana, ary heverina ho tohizana amin’ny tontolon’ny Twitter kosa avy eo

sombin-tsary avy amin’ny kaonty Twitpic an’ny namana iray mpiara-mampiofana azo jerena ato

Sary nentina hanaingoana fotsiny

Fukushima, le nucléaire français et nous…

PROTEGEONS L’ENVIRONNEMENT, PROTEGEONS NOS FUTURS ENFANTS, PROTEGEONS-NOUS

PREOTECT YOURSELF, PROTECT YOUR CHILDREN, PROTECT THE ENVIRONMENT

La vidéo de cet expatrié a été supprimée/censurée ainsi qu’une cinquantaine d’autres sur la chaine de ce français nommé Alex.
Venez le soutenir sur sa page Youtube :

The video of the expatriate was removed/censured and some fifty others in the channel of this French named Alex.
Come support him on his YouTube page:

Ny lahatsarin’ilay ranamana ity dia tratry ny sakantsakana. Tsidiho ny pejiny ao amin’ny Youtube ho FIAROVANA NY TONTOLO IAINANA, FIAROVANA NY ARANAKA HO AVY, FIAROVANAO NY TENANAO

Teo aloha i Tchernobyl, ary tsy ela izay dia i Fukushima, rahampisto sao ho i France na Allemagne, na Amerique. Ary sao dia ho isika Madagascar, sanatria?

Pour plus de vidéo, visiter Youtube en recherchant ‘Alex à Tokyo Japan