COVID-19, IREO HEVI-DISO SY NY TSARA HO FANTATRA

FANONTANIANA sy VALINY mety mahasoa antsika, avy amin’ny OMS, novokariny mba hanoherana ireo torohay diso nefa mivezivezy momba ny virus Corona. (Natao ho mora takatry ny daholobe ny fandikàna)
Coronavirus (2019-nCoV): torohevitra ho an’ny besinimaro – Atsaharo ny hevi-diso
Afaka mifindra tsara ao anaty toetany mafàna sy mando ny viriosy COVID-19.
Araka ireo angondrakitra eo am-pelatanana, velona ary afaka mifindra any amin’ny FARITRA REHETRA ny viriosy COVID-19, ao anatin’izany ireo faritra mafana sy mando. Na inona na inona toetrandro, raiso hatrany ireo fepetra fiarovana raha toa ianareo mipetraka na mankany amin’ny faritra iray misy tranga COVID-19. Ny fanasanao tànana no fomba tsara indrindra hiarovana ny tenanao amin’ilay aretina. Ny fanasàna tànana dia manafoana ireo viriosy mety hipetaka eo ary manakana ny aretina tsy hifindra amin’ny fikasihana ny maso, ny orona na ny vavanao.
Tsy miaro anao amin’ilay Covid-19 ny fandroana aminà rano mafana.
Tsy manakana anao tsy ho azon’ny COVID-19 ny fandroana aminà rano mafana. Mijanona ho araka ny tokony ho izy ny maripànan’ny vatana, eo anelanelan’ny 36.5 °C sy 37 °C, na inona na inona hafanàn’ny efitra fandroana na rano handroanao. Ankoatr’izany, mety hampidi-doza ny mandro amin’ny rano mamay satria mety handoro aza. Ny fomba tsara indrindra hiarovana ny tenanao amin’ny COVID-19 dia ny manasa matetika ny tananao. Ny fanasàna tànana dia manafoana ireo viriosy mety hipetaka eo ary manakana ny aretina tsy hifindra amin’ny fikasihana ny maso, ny orona na ny vavanao.
Miaro amin’ilay coronavirus vaovao ve ny vaksinin’ny pnemonia?
Tsia. Ny vaksinin’ny pnemonia, toy ny vaksiny ‘antipneumococcique ‘ ary ny vaksiny fanefitry ny Haemophilus influenzae type B (Hib) dia tsy mitondra fiarovana amin’ilay coronavirus vaovao.
Tena vaovao ilay viriosy ka tena ilàna vaksiny ho azy manokana mihitsy. Miasa mikaroka vaksiny manohitra ny 2019-nCoV izao ireo mpikaroka ary ny manohana izany asan-dry zareo izany ny OMS.
Na dia tsy mandaitra amin’ilay 2019-nCoV aza ireo vaksiny ireo, ny vaksiny miady amin’ny aretina taovam-pisefoana kosa dia tsara indrindra sy entanina hataonao mba hiarovana ny fahasalamanao.
Mahomby amin’ny famonoana ny nCoV 2019 ve ireo fitaovana fanamainana tanana ?
Tsia. Tsy mahomby amin’ny famonoana 2019-nCoV ny fitaovana fanamainana tànana. Mba hiarovana ny tenanao amin’ilay coronavirus vaovao dia tokony manasa tànana matetika aminà akora misy alikaola ianao na amin’ny savony sy rano. Rehefa madio ny tananao dia tokony hamaininao tsara amin’ny lamba famaohana na amin’ilay fitaovana fanamainana mandefa rivotra mafàna.
Afaka averiko ampiasaina ve ny sarontava N95 efa niasa?Azoko sasàna ve? Azoko atao atao ve ny mandio azy tsy hisy viriosy amin’ny alàlan’ny fanafody fanadiovana tanana?
Tsia. Ny sarontava rehetra, anisan’izany ny sarontava fampiasana amin’ny resaka fitsaboana na sarontava N95, dia tsy tokony averina ampiasaina indray. Raha efa nifandray akaiky tamina olona voan’ny aretina coronavirus vaovao ianao na mampiseho soritr’aretin’ny taovam-pisefoana, hevero ho toy ny efa voaloto sahady ny faritra anoloana amin’ilay sarontavanao iny. Tsy maintsy esorinao ilay sarontava ary atao izay tsy hikasihana ny faritra anoloana, dia ariana izy araka ny tokony ho izy avy eo. Rehefa avy manaisotra ilay sarontava ianao dia tokony hanasa ny tananao aminà akora misy alikaola na amin’ny savony sy rano.
Afaka mamono ny coronavirus (nCoV) ve ny jiro « ultraviolet (UV) » famonoana otrikaretina?
Tsy tokony ho ampiasaina hamonoana otrikaretina amin’ny tanana na ny faritra hafa amin’ny vatana ny taratry ny jiro UV, satria ny taratra UV dia mety hiteraka erythema (aretin-koditra).
Mba hiarovanao tena amin’ny coronavirus vaovao dia fantaro mandrakariva ireo fepetra rehetra azonao raisina. Raha mila fanazavana fanampiny, jereo ny tranokala OMS
Afaka mamono ny coronavirus (nCoV) ve ny famendrahana (famafàzana) alikaola na klôro amin’ny vatana manontolo?
Tsia. Ny famendrahana alikaola na klôro amin’ny vatana manontolo dia tsy hamono ireo viriosy efa tafiditra ao amin’ny vatanao. Ny famafazana ireo akora ireo dia mety manimba ny akanjo na ny sela amin’ny vatana (oh: maso, vava). Aoka ho fantatrao fa ny alikaola sy ny klôro dia mety raha araraka aminà toerana, nefa tokony ho ampiasaina mifanaraka amin’ireo torolàlana natao ho amin’izany.
Maromaro ny dingana misy sy azonao atao hiarovana ny tenanao amin’ny coronavirus vaovao. Voalohany, sasao matetika ny tananao, mampiasa vokatra misy alikaola – toy ny gel – na ny savony sy ny rano. Mba hahafantarana ireo fepetra hafa fiarovana, topazo maso ireo torohevitra omen’ny OMS
Tsy mitera-doza ve ny fandraisana taratasy na fonosana entana avy any Shina?
Eny, tsy mitera-doza. Ny olona izay mahazo fonosana avy any Shina dia tsy ahiana hiharan’ny coronavirus vaovao. Araka ireo famakafakana teo aloha, fantatsika fa ny coronavirus dia tsy maharitra ela eny ambon’ny zavatra, toy ny taratasy na fonosana entana.
Afaka manampy hisorohana ny fidiran’ilay coronavirus ve ny fanasana ny oronao tsy tapaka amin’ny rano misy sira?
Tsia. Tsy misy porofo hoe ny fanasàna ny orona amin’ny rano misy sira dia miaro ny olona tsy ho voan’ilay coronavirus vaovao.
Misy singa vitsivitsy afaka atao porofo fa ity fomba fanao ity dia afaka manampy ny olona ho sitrana haingana kokoa amin’ny sery na gripa tsotra. Kanefa, ny fanasàna tsy tapaka ny orona dia tsy voaporofo hoe hahafahana misoroka ireo aretim-pisefoana.
Afaka manampy amin’ny fisorohana ny aretina coronavirus vaovao ve ny fihinanana tongolo gasy?
Ny tongolo gasy (lay) dia sakafo mahasalama izay mety manana toetra manohitra mikrôba. Saingy, amin’ity tranga amin’izao fotoana izao ity, tsy misy porofo ahafahana milaza hoe ny tongolo gasy dia miaro ny olona amin’ny coronavirus vaovao.
Moa ve manakana ny coronavirus vaovao tsy hiditra amin’ny vatana ny fampiasàna menaka sesame?
Tsia. Ny menaka sesame tsy mamono ny coronavirus vaovao. Misy ranoka simika mpamono otrikaretina afaka mahafaty ny 2019-nCoV eny ambony zavatra eny. Anisan’izany ny « disinfectants » misy Eau de Javel na klôro, ireo « solvants » misy 75% ethanol, asidra perasetika ary chloroforme.
Tsy dia misy fiatraikany loatra amin’ilay viriosy anefa izy ireny raha toa apetrakao eo amin’ny hoditra na ao ambanin’ny oronao. Mety hampidi-doza mihitsy aza ny mametaka ireo vokatra simika ireo amin’ny hoditrao.
Ireo zokiolona ve no tena asian’ny coronavirus vaovao sa misy tanora mety mora azony koa?
Ny olona rehetra amin’ny taona rehetra dia mety ho voan’ny aretina ny coronavirus (2019-nCoV) avokoa. Ireo zokiolona sy ireo olona efa lazoin’ny aretinna (toy ny fahasemporana ‘ashme’, diabeta, aretim-po) no toa vao mainka miharatsy ny aretiny amin’ity viriosy ity.
Manoro hevitra ny olona rehetra ny OMS mba handray ireo fepetra hiarovan-tena amin’ilay viriosy, toy ny fanarahana antsakany sy andavany ny fepetran’ny fahadiovan’ny tànana sy ny fahadiovana ara-pisefoana.
Mahomby hisorohana sy hitsaboana ilay otrikaretina coronavirus vaovao ve ny antibiotika, sa natao ho an’ny bakteria irery ihany?
Tsia, tsy mahatohitra ilay viriosy ny antibiotika fa natao hanohitra ny bakteria irery ihany.
Ny coronavirus vaovao (2019-nCoV) dia viriosy ary, noho izany, tsy tokony ampiasaina ho fomba fisorohana na fitsaboana azy ny antibiotika.
Kanefa, raha miditra hopitaly noho ny otrikaretina 2019-nCoV ianao, dia mety homena antibiotika satria mety misy ny fifangaroana areti-mifindra ateraky ny bakteria.
Misy fanafody manokana ve hanakanana na hitsaboana ny aretina coronavirus vaovao?
Hatreto aloha, tsy misy fanafody manokana atoro hisorohana na hitsaboana ny aretina ateraky ny coronavirus (2019-nCoV) vaovao.
Na izany aza, ny olona voan’ilay viriosy dia tsy maintsy omena ny fikarakarana sahaza azy mba hanamaivana sy hitsaboana ireo soritr’aretina, ary ireo izay marary mafy dia tsy maintsy hahazo fikarakarana misimisy sy lasa lavidavitra kokoa. Eo an-dalàm-pandinihana izao ireo fitsaboana manokana ary hosedraina amin’ny andrana klinika. Manampy amin’ny fanafainganana ireo ezaka fikarohana sy fitrandrahana atao ny OMS miaraka amin’ireo mpiara-miombon’antoka maromaro.

Rivotra Maloto Manempotra

Lahatsary ho fanombohana

Andro maromaro izay ny eto Antananarivo renivohitra no nahatsapa fa mavesabesatra sy mankarary maso ary maha-te-hatory izany ny rivotra iainana. Tsy mandeha lavitra isika dia efa mahita ny antony mahatonga izany.

Io tolakandro io dia setroka tsy nahitàna ny faravodilanitra no nandrakotra ny lanitra. Raha ny marina dia tsy ny faravodilanitra intsony no tsy tazana, fa metatra maromaro miala ny toerana misy anao dia efa mila tsy ho hita intsony.

Ny sary maromaro hitanao ato dia nalaina tamin’ny ora tsy dia mifanalavitra loatra, saingy ny andro no tsy mitovy. Ny voalohany dia ny Rova tazanina avy eny amin’ny Carlton, tamin’ny 23 Oktobra 2015, nanodidina ny tamin’ny 5 ora hariva latsaka tany ho any. Ny ambiny kosa dia sary nopihana teny Andravoahangy ny 25 Oktobra 2015 tamin’ny 5 ora sy 26 mn.

Ataovy àry ny fampitahàna ny atao hoe rivotra madio, sy ny hoe tontolo iainana maloto, raha eto amin’ny sary voalohany ianareo afaka mahita hatrany amin’ny kilaometatra iray mahery, ary amin’ireo sary manaraka kosa, metatra vitsivitsy aza manahirana.

Rova tazanina avy eny amin'ny Carlton

Tranga tsy teto amintsika ihany no nisy ny toy izao, fa hatrany Malezia sy Indonezia ary Filipina koa (any amin’ny faran’ity lahatsoratra ity misy rohy).

Avy aiza ny olana?

Tsy tongatonga ho azy ny setroka tahaka ireny, fa misy loharano nipoirana: ny tevy ala, ampian’ny doro tanety. Toy ity nampitain’i Mandresy Ralisetra, mpikambana aminà vondrona iray ao amin’ny Facebook ity, izay ahitàna ala mirehitra any amin’ny faritr’i Mangoro, sy ny manodidina ny làlam-pirenena faharoa (#RN2)

Doro ala sy tanety mitondra setroka manempotra

Doro ala sy tanety mitondra setroka manempotra

12180731_943426949063566_281725947_o

Atahorana ny hisian’ny aretina aterany (aretin’andoha, sery, aretin’ny taovam-pisefoana, …)

Tsy vitsy ny olona manontany na manome tsiny noho ny zava-mitranga.

An’iza ny andraikitra?
Raha ny tsirairay no anontaniana, dia ny fanjakana no voatondro voalohany ho tomponandraikitra tsy nahefa ny anjara tandrify azy.

Axel RavonjinirinaAxel Ravonjinirina Tokony manao etat d’urgence ny fanjakana @ zao, mobilisation ny force rehetra mimaitrisé an’io afo io!Isantaona zao ve otrzao ihany!Refa atao ramatahora sy atao sava hao ireo mpandoro tanety dia gadraina tsisy masa manao tsony saingy fanjakana tsisy antenaina fa matory andro tsisy ilana azy sady tsy mahabaiko n’inin!
Nomena Hosea Nomena Hosea Mapalaelo inona netaonle mpitondra? Ts maasalama mitsy zao reto a

Fomba fijery izay toa midika fandosirana andraikitra ihany koa avy amin’ny tsirairay anefa, raha ny voalazan’ity fanehoankevitra iray ity no jerena:

Rado Andrianina RabemanantsoaRado Andrianina Rabemanantsoa Ny fisainan’ireo mpandoro tanety mampalahelo, fa ny tsy fandraisan’Andraikitry ny fanjakana koa vao maika mahakivy tanteraka!

Asa aloha izay ho fepetra ho raisina manoloana izao zavatra mitranga izao. Fa raha ireo firenena tany Azia no asiantsika resaka, dia nandraisana fepetra mihitsy ny tsy hivoahana ny trano mandra-pisavan’ny zavon-tsetroka nandoto ny rivotra niainana tany aminy. Satria zava-dehibe voalohany indrindra ny fahasalamana.

Fanontanian’ireo olom-pirenena ny hoe :

Mianjaika NiniMianjaika Nini Fa mba misy vé izany minisitry ny tontolo iainana izany eto Mkara eto sa tsia?
Angamba kosa tsy ho avelantsika ho an’ny fanjakana irery ny andraikitra momba izany, fa samy tokony handray ny anjara tandrify azy ny rehetra. Olona any anaty fiarahamonina misy antsika any ihany no manao ireny asa maloto ireny – noho ny hasomparana, na noho ny tsy fahalalàna ihany koa. Azontsika atao ny mifanentana araka izany, mba hisian’ny fiovàn’ny toetsaina.
 Sylvia RanaivojaonaSylvia Ranaivojaona Mila olona mahatsapa tena ry namana Malagasy Te Hilamina eto an ! ar mahalala ny tokon ataony d mahay mandray andraikitra tandrify az !!!

Ka rehefa tsy mety anarina, dia ampiharina aminy ny lalàna misy, mba tsy ho ny olon-tsotra no hitondra sy hampihatra ny fitsaràna heveriny fa sahaza

Ho lava ity resaka ity, saingy efa hisasaka ihany ny alina, ka aleo amin’ny manaraka tohizana. Ndeha ny sary amin’izay no ampitenenina.

DSC_0594_2 DSC_0595 DSC_0596 DSC_0597 DSC_0598 DSC_0599 DSC_0600 DSC_0603 DSC_0604 DSC_0605 DSC_0606 DSC_0607 DSC_0608 DSC_0609 DSC_0610 DSC_0612

lahatsoratra mifandraika aminy:

Shina: ny haloton’ny rivotra ifohana any Pékin, sariitatra sy sivana

Sary Maneho Ny Dona Ratsy Ateraky Ny Zavon-tsetroka Ao Azia Atsimo Atsinanana

Tonga ao Azia atsimo-atsinanana noho ny doro ala mamaivay ao Indonezia indray ny zavon-tsetroka

Lesona 2 : Fanasokajiana ny Rivodoza

NY RIVODOZA ao amin’ny fari-dranomasina atsimo andrefan’ny ranomasimbe indiana. (BASSIN SW de l’OI)

Classification_PertTrop

classification_PertTrop2

(Loharano : Météo Madagasikara)

Lesona 1: Momba ny fampiasàna ny LOKO mandritry ny andro ratsy sy rivodoza

NY CODE COULEURS:
ALERTE VERTE (Maitso): AVIS D’AVERTISSEMENT/ LOZA FANAIRANA
ALERTE JAUNE (Mavo): AVIS DE MENACE/LOZA MANAMBANA
ALERTE ROUGE (Mena): AVIS DE DANGER IMMINENT/LOZA MITATAO
ALERTE BLEUE (Manga): ALERTE LEVEE/ANY AORIAN’NY LOZA

codecoul_fr

fampiasana Loko

alerte Verte

alerte Jaune

alerte Rouge

Loza Fanairana

loza Manambana

loza Mitatao

Mpiara-miasa sy loharano: Météo Madagasikara

Torohay Météo Madagasikara_10feb2015: Ny atao hoe ZCIT

(loharano: FB Météo Madagasikara)
Amin’izao fahavaratra dia matetika isika no maheno hoe : « ZCIT », Zone de Convergence Intertropicale.
Fantatsika hoe inona marina tokoa moa izy io ?
Fanazavana TSOTRA sy FOHY no entina aminareo, amin’ny alalan’ny sary :
Raha TSORINA dia FARITRA AHITANA ANDRO RATSY izy io,  izany hoe, ny ratsy amintsika eto dia ahitàna ORANA, na/sy  ORANA TANDRIFIN-DRAHONA/Mety ARAHIN-KOTROKA.
Manodidina izao Tontolo izao ny ZCIT, mitondra orana foana izy. Rahefa fotoam-pahavaratra aty amintsika, dia tonga aty  MADAGASIKARA izy.
Haintsika hoe manana ANARANA MARO IANTSOANA AZY ny ZCIT?
Ohatra:
– ZCIT = POT AU NOIR (izany hoe TSY MAZAVA,  MAMPIDI-DOZA: dangereux)
– ZCIT= ZIC (Zone inter-tropicale de Convergence)
– ZCIT= Front intertropical….
Hatreo indray àry aloha e, dia amin’ny manaraka indray manao misimisy

meteo110feb2015

meteo210feb2015

Raha ny VINA ho an’ny HERINANDRO, dia HANORANA TANDRIFIN-DRAHONA ARAHI-NKOTROKA, saika manerana ny Nosy AFA-tsy ny TENDRONY ATSIMO: hanao TANIKA ORANA: izany hoe tsy tafalatsaka ny orana fa mitanika fotsiny. Ny maripana tsy hisy fiovana

Andro ratsy mihaodihaody

Misy andro ratsy mihaodihaody any amin’ny 1800 km Avaratra.Atsinanan’ny Mascareignes.

Mety mbola lavitra angamba hoy ianao, saingy tsara kokoa ny efa miomana mialoha, noho ny tsy nahalala na ninia tsy nahafantatra

AandroRatsyAndroRatsyIreto ny anaran’ireo rivodoza voalahatra ho amin’ity vanim-potoam-pahavaratra ity

Anarana Firenena nanolotra Lahy sa Vavy
Adjali Comores Vavy
Bansi Maurice Lahy
Chedza Botswana Vavy
Diamondra Madagascar Vavy
Eunice Zimbabwe Vavy
Fundi Kenya Lahy
Glenda Afrique du Sud Vavy
Haliba Swaziland Vavy
Ikola Tanzanie Vavy
Joalane Lesotho Vavy
Kesha Seychelles Vavy
Lugenda Mozambique Vavy
Mahara Malawi tsy mifidy
Nathan France Lahy
Oscar Afrique du Sud Lahy
Puleng Lesotho Vavy
Quotto Madagascar Vavy
Roselina Mozambique Vavy

Trano May Etsy, Trano May Eroa

Raha misy lohateny iray fahita tamin’ny gazety tato ho ato dia isan’ireny ny fahamaizana miseho lany etsy sy eroa.

DSC_00051Io hariva io dia toeram-ponenana maro no may sy levon’ny afo tetsy Antsahakely Besarety.
Tokony ho 20mn taorian’izay indray dia tranombarotra iray lehibe tetsy Ambatomitsangana Andravoahangy, mpivarotra ireny kojakoja ilaina amin’ny asa fanorenana sy ny fanamboarana ny atitrano ireny, no nirehitra. Loko sy akora simika, ary nahitàna zavatra vita tamin’ny plastika avokoa no hita tao. Izany hoe mora mirehitra. Araka ny voalazan’ny nanatri-nmaso ihany koa, dia nisy fipoahana avy ao anatin’ity trano ity taoriana kelin’ny nahitan’izy ireo ny afo sy ny setroka.

Azo ambara ho tsy nisy azo raisina ny entana tao anatin’ity tranombarotra ity, satria izay kely voasaringotra navoaka taorian’ny nifehezan’ny mpamono afo ny teo-draharaha, dia izay sisa tsy levon’ny afo, ary tafiditra anaty sokajin’ny brokatera.

DSC_00211

Soa aza fa tsy nahazo ireo tahirin’entana ahitàna valonan-damba marobe sy ireny simili-cuir ireny, izay tao amin’ny rihana voalohany. Raha sanatria nahazo ny rihana voalohany ny afo, dia tsy ho hita noanoa ny faharavana mety ho natrehana, ary tsy ho azo nialàna ny fahamaizana hatrany amin’ny ACEP.

ny fotoana nitadiavana izay fomba hamahàna ny misy ireo tahirinà valonan

ny fotoana nitadiavana izay fomba hamahàna ny misy ireo tahirinà valonan

Eto dia deraina manokana ny fahafoizan-tenan’ireo mpamono afo, nitolona nanao izay hifehezana izany, ary nisy mihitsy aza iray tamin’izy ireo torana teo amperinasa noho ny setroka.

nifamonjen'ireo namany ilay zalahy ity fa sempotra nitambotsitra

nifamonjen’ireo namany ilay zalahy ity fa sempotra nitambotsitra

Voatery mandady moa izy ireo mitady izay fototra niavian’ny afo, no sady mitifitra rano ihany.

natevina be ny setroka ka voatery nandady nizaha izay niaingàn'ilay firehetana

natevina be ny setroka ka voatery nandady nizaha izay niaingàn’ilay firehetana

Tombony ho an’ity tranobe ity ka tsy nihitaran’ny afo ho amin’ireo rihana rehetra sy ny efitra marobe taminy, ny fisian’ny toerana fanovozan-drano tsy lavitra teo, sy ny tsy fitohanan’ny fifamoivoizana, ka nahafahan’ny mpanono afo niasa haingana sy tamin-kalalahana tanteraka. Nampian’ire mpitandro filaminana. ihany koa.

Ndeha ary ny sary no avelantsika hiteny amin’izay e!

DSC_00141

DSC_00301

DSC_00331

DSC_00041

Raharaha hafa indray moa ny resaka andiam-balàla matory ao Ivato izao alina izao. Entanina ny olona tsy hihinana azy ireny rahampitso fa efa asiana fanafody izao alina izao