Mivarotra « staphylocoques dorés » i Chine, raha misy mila

 

SAO MISY HIVIDY staphylocoques dorés, manana atao kado ny Sinoa

Otrikaretina ny « staphylocoques dorés » ary miteraka ny antsoina hoe « pneumonie » sy « méningite » rehefa tonga amin’ny faratampony.

Nisy fotoana, rehefa hita fa nahitana taratra ny fisian’ny « staphylocoques dorés » tany anatiny, dia nasain’ny tompon’andraikitra ara-pahasalamana sinoa nesorina teny amin’ny toeram-pivarotana samihafa ireo vokatra toy ny « raviolis » novokarin’ilay orinasa isan’ny goavana amin’ny fanaovana ireny sakafo « congélés », ny Synear Food.

Tsy mampahatahotra ny manampahefana sinoa anefa izany ka dia izy ireo indray no nanome alàlana ny amin’ny hahazoana mivarotra ireo vokatra « congélés » ireo raha tsy dia betsaka ny tahan’ny « staphylocoques dorés »  tsikaritra any anatin’ireo vokatra, tafiditra amin’izany ny vary sy ny karazana paty samihafa.

Tsaroan’ny maro angamba ny resaka ronono misy kasinga mitondra homamiadana vokarin-dry zareo sinoa na ny atao hoe « lait contaminé » nahitàna « mélamine » mifangaro aminy, na ny menaka tsinponina eny amin’ny tatatr’ireo toeram-pisakafoanana sy karakarain’ny sasany mba ho ampiasaina indray avy eo na « huile frelatée » .

Lahatsoratra miresaka momba ny zava-doza aterany, azonao jerena ato

FADIO NY MIHINANKINAM-POANA IZAO REHETRA IZAO. Izao azonao enjehana eo anatrehan’ny lalàna aza, efa miferinay ianao vao vita ny ady, mainka fa…..

Aoka araka izany mba hifanentana, tsy hividy izay sakafo fantatra fa mampahatahota, indrindra fa raha teny tsy fantatrao no eny amin’ny fonony. Araho tsara ihany koa ny resaka datin’andro farany tokony hampiasana na hihinanana vokatra iray. Teneno ny ankizy amin’ireny karazana vatomamy sy bisikoitra, ary habobo amidy eny amoron-dàlana irany. Rehefa tsy handray andraikitra ihany ny tompon’andraiki-panjakàna (Ministeran’ny Varotra, Fahasalamana, ny Kaominina, sns) dia anjarantsika olom-pirenena tsirairay ny manao izany

 

Publicités

RATSIRAKA Didier: ho avy androany, hono

Amin’ny 11 ora sy 25 mn no ho tonga eto Madagasikara raha tsy misy sampona ny filoha fahiny RATSIRAKA Didier. Mitohana ny fiara eny amin’ny faritra manodidina na dia tsy dia betsaka loatra aza ny olona tonga hitsena azy.

Fa mandra-piandry azy dia ambara etoana aloha fa nanambara ny hiala tsy ho ao anatin’ny governemanta Omer Beriziky ramatoa Rufine TSIRANANA na dia efa avy anao famindram-pahefana tamin’ny minisitra teo aloha aza. Nifanohitra tanteraka ny fanambarana nataony fony nivoaka avy tao amin’ny famindram-pahefana, sy n y fanambarana nataony teny amin’ny MAGRO Behoririka. Nahatsiaro ho voafitaka ny tenany raha ny filazany.

Fa hiverenana ny momba ny fahatongavan’i RATSIRAKA Didier: Rehefa tonga eto Madagasikara moa ity ray amandreny nitondra fahiny ity, dia hizotra hiditra ny renivohitra, ary (toa) hanao kabary etsy Anosy manoloana ny INSTAT.

Eny Ivato amin’izao fotoana ny Prof  Zafy Albet, Mamy Rakotoarivelo, Manandafy Rakotonirina

Behoririka: Milamina hatreto

Hatreto aloha dia milamina ny eny Behoririka, ary efa samy manoko ny entany daholo tsy msy tahotra ny amin’izay mety ho asan’ny fivondronana ny mpivarotra amoron-dàlana

Irina ny hitohizan’izay filaminana izay. Saingy ny mbola olana dia mikatona tsy mivarotra ilay toeram-pivarotana VENIC niandohan’ny olana.Fiarabe roa feno mpitandro filaminana rahateo no miantsona manoloana ny toerana, miampy fiara tsy mataho-dàlana iray ety ambanimbany ety.

Voalaza moa fa noraisin’ny Ambasady an-tanana ny raharaha.

Indrto sary roa, ka ny voalohany dia nalaina omaly tamin’ny 17h mahery, ary ny faharoa dia nalaina io antoandro io ho fampitahàna

Mizotra ara-dalàna ihany koa ny fifamoivoizana. Na dia somary bebe koha izay aza ny mpandeha an-tongotra ka mihevitra ny tenany ho mafy noho ny vy. Nisy iray aza moa voadonan’ny Minibus Mazda teo anoloan’ny Firaisana Voalohany, ka tsy hay na maty na velona fa tsy nahatsiaro tena rehefa nakarina any anaty fiara.

Behoririka : Ahiana hivadika ho fankahalàna vahiny

Tsy zoviana amin’ny maro ny tiana lazaina amin’ny hoe fankahalàna vahiny, na xenophobie.

Feo nampivarahontsana re teny amin’ny manodidina ny gara Soarano sy ny Hotel Tana Plaza io androany hariva tamin’ny 5 ora hariva. Mbola tohin’izay niseho teny amin’ny VENIC Behoririka ihany.

Nisy ny fitaonana ireo gonim-pasika teo akaikin’ny gvavahadin’ny gara ka naparitak’ireto olona marobe ireto teo amin’ny arabe tsy lavitra teo. Efa nisy ny fanozongozonana fiara nandalo midina amin’iny faritra iny tamin’izay fotoana izay. Lehilahy vitsivitsy, 3 na 4 eo no miresaka eo afovoan’ny arabe manandrify ny gara. Hoy ny iray:

Aoka tsy hokitihana ny fananan’ny Malagasy, Fa izay fiaran’ny vahiny mandalo eo, ka miseho ho be monkon-doha, tonga dia haongana dorana eto.

Hatramin’ny fotoana nanoratana dia mbola voafefin’ny mpitandro filaminana ary tsy azo aleha ny faritra manodidina akaiky an’iny Behoririka iny, mba ho fisorohana ny mety ho fanararaotana sy ny mety ho fihoaram-pefy

Ho valin-kafatra noho ity fanaovana tsinontsinona ny mpiasa Malagasy ity dia nifafa ny kihony izay sinoa tratra teny an-dàlana teny. Tsy vao izao tokoa mantsy fa efa hatry ny ela no nahenona ny tsindrio fa lavo sy ny fanaovana habibiana avy amin’ireto kelimaso ireto.

Tsy dia nahagaga loatra ihany koa ilay fahatongavan’ny olona teny amin’ny nanaoloana ny gara Soarano, satria tao no nandositra niaraka tamin’ny fiarany ilay sinoa vendrana. Vendrana satria sady efanitsoaka, no mbola niseho vahoaka tao indray avy eo. Voatery noho izany, nanidy ny Café de la Gare ny tompony mab hisorohana izay sanatria.

Araka ny voalazan’ny vaovao tselatra tao amin’ny Radio Antsiva, dia milaza ity fampielezam-peo ity fa tsy nisy ny maty fa naratra tsaboina eny amin’ny hopitaly no misy.

 

Amin’ny 20h 15 izao eto Madagascar. Ity ny fanavaozam-baovao farany ananako hatreto:

Nanao fanambarana ny Masoivoho Sinoa ny amin’ny tsy maintsy hanolorana ny Fitsarana Malagasy ilay Sinoa nanao hadalàna tetsy Behoririka, ary miantso ireo teratany Sinoa rehetra eto Madagascar mba hahay miara-monina amin’ny Malagasy sy hanaja ny lalàna misy eto. Maniry koa ny Masoivoho Sinoa ny tsy hisian’ny akony ratsy eo amin’ny fifandraisan’ny Sinoa sy ny Malagasy avy amin’ity tranga androany ity.
Voalaza moa izany hatreto fa nahazo ny fitsaboana sahaza azy ny naratra. Misafotofoto araka izany ity vaovao ity

Behoririka: Sinoa mamono mpiasa Malagasy

Taitra ny rehetra androany nahita ireto Malagasy marobe nangorona ny entany sy niara-nirona nanoloana ny tsy rariny nataonà sinoa iray mpitazona tranombarotra etsy Behoririka.

Araka ny feo re avy eny an-toerana dia nisy mpiasa tao amin’io fivarotana io no notondroin’ilay sinoa ho tompon’antoka amin’ny tsy fahampian’ny isan’ny entana. Niharan’ny heriserta io (toa vehivay raha ny filazan’ny maro). Nisy mpiasa iray hafa (toa lehilahy kosa ity farany) nirotsaka niaro ilay tovovavy Malagasy niharan’ny herisetra.

Voadaka tany amin’ny an-kasarotany ranamana ary lavo tamin’ny tany. Na efa lavo aza anefa dia mbola nohitsakitsahan’ilay sinoa ihany ary tsy namelany raha tsy efa nalemilemin’ny hitsaka sy daka.

Nisy tamin’ireto olona marobe teny an-toerana no nilaza fa toa nipotsaka mihitsy ny tsinain’ilay zalahy Malagasy io (toa hoe voatrobaky ny hety). Samy namoy ny ainy na ny niaro na ny narovana tamin’ity raharaha ity, araka ny vaovao voaray.

Niray feo moa ireto olona marobe ireto tamin’ny hoe tokony ho, na nentin’ilay sinoa tany amin’ny polisy hatao fanadihadiana ilay mpiasa, na nesoriny tamin’ny karama, fa tsy azy akory ny ain’ny Malagasy, na dia azy aza ny vola mikararana.

Hatezerana ny an’ireto mpiara-miasa sy mpivarotra teny an-toerana ka niafara tamin’ny fitakiana ny hanolorana azy ireo an’ilay sinoa.

Tonga hatramin’ny hoe

« Aina solon’ny aina », « Tsy mahavidy aina Malagasy iray ny vola iray sakaosy », « Mivoaha daholo ny Gasy fa may ity anio raha tsy mivoaka eto ilay sinoa ».

Tokony ho tamin’ny 12h 26mn  ny tena no nandalo teo amin’ny toerana.

Minitra maromaro taorian’izay dia nanomboka ny famakiana varavarana nataon’ireo olona marobe nitangorona teo; samy niharan’izany na ny taty amin’ny faritra ambany amin’ilay tranobe na ny tany ambony mizotra ho any Tsiazotafo iny. Efa saika voavaha mihitsy izany talohan’ny nahatongavan’ny EMMO/REG tamin’ny 1 ora tolakandro.

Koa satria tsy nisy làlana hafa nahafahan’ireo Malagasy tavela tao anaty trano hivoaka intsony, dia maro tamin’izy ireny no teny ambony tafon-tranon’olona no nanao izay hanavotana ny ainy.

Ny zavatra tena nahatezitra ireo olona marobe ihany koa dia ny nahita ireo telolahy tao anatin’ilay fefy vy nanidy ny trano sy niaro mafy n y tsy hahatafidiran’ireo olona tao. Izy ireo indray no natsangan’ireo teny ivelany ho fahavalo.

hoy ny avy ety ivelany

« Aza milamina eo anie ioty hahitan’ialahy isany ny anjaran’ialahy isany miaro sinoa ireo eeeee, efa hita izao fa mamono mpiasa Malagasy ny sinoan’ialahy mbola arovan’ialahy ihany »

Izy telo lahy kosa avy any anatiny manondraka ny olona amin’ireny fitaovana famonoana afo, misy vovoka ireny (SICLI). Mazava ho azy fa mandositra noho ny tahotra ireo olona marobe, ary miverina indray rehefa lava ilay vovoka fotsy nafafy teo.

Tamin’ny fotoana niverenana nandalo teny (2 ora tolakandro) dia tsy mbola mivaha ny olana, tsy mbola nisokatra ny làlana, ary tsy mbola niala ireo olona marobe. Atahorana araka izany ny hitàran’ity raharaha ity ho amin’ny zana-tohatra mafampana, satria nisy sinoa tsy naninona tsy naninona, efa niharan’ny herisetra sahady teny amin’iny akaikin’ny Building Soarano ho any amin’ny Petite Vitesse iny raha vao niandoha teo amin’ny 30 na 45 mn teo ity fifanjevoana sy fangalam-piery ity.

Azonao atao ny mijery ny sary ao amin’ny flickr eto

Fanampin-dahatsary ao amin’ny Youtube ireto ambany ireto, mbola samy nalaina teny Behoririka ihany.

Marihina fa ny sary, ny lahatsary ary ny feo dia nalaina mivantana teny avokoa fa tsy nionona tamin’ny honohono fotsiny. Zonao mamaky ny mino, ary fahefanao tanteraka ihany koa ny tsy mino, toy ireo izay nilaza fa tsy nisy izany maty izany. Mitatitra no atao eto, ary miandry ny fanamarinana na fandisoana isika arakaraky ny hirosoan’ny ora sy minitra miasika ity raharaha ity.

*************

Amin’ny 15h 30 izao, aty Antaninarenina ny mpanoratra no mandre feon-javatra mipoaka any lavitra any, toa ireny baomba fandatsahan-dranomaso sy feom-basy ireny

**********

Amin’ny 20h 15 izao eto Madagascar. Ity ny fanavaozam-baovao farany ananako hatreto:

Nanao fanambarana ny Masoivoho Sinoa ny amin’ny tsy maintsy hanolorana ny Fitsarana Malagasy ilay Sinoa nanao hadalàna tetsy Behoririka, ary miantso ireo teratany Sinoa rehetra eto Madagascar mba hahay miara-monina amin’ny Malagasy sy hanaja ny lalàna misy eto. Maniry koa ny Masoivoho Sinoa ny tsy hisian’ny akony ratsy eo amin’ny fifandraisan’ny Sinoa sy ny Malagasy avy amin’ity tranga androany ity.
Voalaza moa izany hatreto fa nahazo ny fitsaboana sahaza azy ny naratra. Misafotofoto araka izany ity vaovao ity

Governemanta Vaovao #Omer Beriziky / 21-Nov-2011

Ety am-piandohana dia ialako tsiny sahady raha mety hisy fahadisoana kely misisika eny anelanelan’ireo anarana. Ezahako ihany anefa ny hanitsy azy ireny eny am-pandehanana eny.

Toy izao ary ny toerana nozarain’i #Omer_Beriziky, sy ny anaran’ireo nahazo izany tamin’ity androany ity, gvernemanta vaovao eto #Madagascar

VicePM en charge du eveloppement et aménagement du territoire : Hajo Andrianainarivelo
VicePM en charge de l’Economie et de l’ Industrie : Botozaza Pierrot
Ministre Affaires etrangères : Pierrot Rajaonarivelo
Min Agriculture : Roland Ravatomanga
Min Commerce : Olga Ramalason
Min Communication : Harry Laurent Rahajason
Min Culture : Elia Ravelomanantsoa
Min Decentralisation : Tsiranana Ruffine
Min Eau : Reboza Julien
Min Education Nationale : Manoro Régis
Min élevage : Ihanta Randriamandrato
Min Energie : Nestor Raharindriaka
Min Enseignement Supérieur :  Razafindehibe Etienne Hilaire
Min Enseignement Technique et Formation Professionnelle: Ndremanjary Jean André
Min Environnement et Foret :  JosephRandriamiarisoa
Min Finances et Budget : Hery Rajaonarimampianina
Min Travail et lois sociales : Tabera Randriamanantsoa
Min des forces armées : Lucien Rakotoarimasy

Min Gendarmerie : Gl Randrianazary
Min Hydrocarbures : Marcel Bernard
Min Intérieur : Florent Rakotoarisoa
Min Jeunesse et loisir : Ulrich Randriatiana
Min de la Justice : Christine Razanamahasoa
Min des Mines : Randriampeno Tolotrandry Ranto Daniela
Min Peche et ressources haliethiques: Sylvain Manoriky
Min de la population : Vaomalala Olga
Min Poste et Telecommunication: Ny Hasina Andriamanjato
Min Promotion de l’artisanat: Elisa Zafitombo Alibena
Min des Relations avec les institutions : Manantsoa Victor
Min de la Santé Publique : Johanita Ndahimananjara
Min de la Sécurité intérieure: Contrôleur Général de la police, Rakotondrazaka Arsene
Min Sport : Botralahy Gérard
Min Tourisme : Jean Max Rakotomamonjy
Min Transport : Benjamina Ramanantsoa
Min Travaux Publics et Meteo : Colonel Boto Manova Tsara

Tsy asiantsika resaka betsaka, fa anjaranao mpamaky ny mitsakotsako azy. Ny hany azoko ambara fotsiny dia ny hoe: Vao teo no niojoro ity governemanta vaovao ity, dia izao alina izao sahady dia efamisy miketrika fidinana an-dalambe amin’ny Faran’ny herinandro. Hiaro an-dRajoelina hono, no sady koa hiantso ny tafik handray andraikitra.  Miandry dia mijery…..

ESCOPOL dotè 2 nlle coordination: Fanambaràna tsy fankasitrahana ny fanitsakitsahana ny tondrozotra ataon’i #Omer Beriziky sy ny Ankolafy 3

Votoatin’ny fanambaran’ny ESCOPOL ilazan-dry zareo ny tsy fankasitrahany ny zava-miseho amin’izao fotoana izao eny amin’ny Villa La #Franchise, trano fonenan’i #Zafy Albert. Miaraka aminy ao i #Mamy Rakotoarivelo, #Monja Roindefo

1* Fandikàna ny andininy faha-6 ao amin’ny Tondrozotra izay milaza mazava fa tsy misy quota eo amin’ny fanolorana minisitra, ny fanerena ny praiminisitra sy ny filohan’ny tetezamita ataon’ny vondrona Zafy sy Ravalomanana ary Monima handray tsy misy fepetra ireo kandidà minisitra natolotr’izy ireo

2* fandikàna ny andininy faha 3 amin’io tondrozotra io ihany koa ny fanaovan’ireo vondrona Zafy sy Ravalomanana ary Monima ‘droit de veto’ hiala raha tsy tanteraka ny fitakian’izy ireo;

Koa manoloana izany, ny ESCOPOL dotè de nouvelle coordination dia miantso ny praiminisitra sy ny filohan’ny tetezamita hampihatra tsy misy fepetra sy tsy misy hatak’andro izay voalazan’ny tondrozotra,

Tsy azo ekena ny fanaovana takalon’aina ny vahoaka Malagasy, koa mitaona ny praiminitra sy ny filohan’ny tetezamita izahay  handray andraikitra avy hatrany ka hanendry ireo olona izay vonona sy efa natolotr’ireo vondrona politika maro

Ireo coordonateurs ESCOPOL nivory androany faha-17 Novambra 2011:

Le Noble Pierre, Hasimana, Brigitte RASAMOELINA, Ephraim Randrianasolo, Pascal R. ,Doudou Michel Andriamparany, Pierre Randrianantenaina,  Harinaivo Rasamoelina, Ratefinanahary Emile.