Tsy Burkinabé aho fa Bôbôlita
Aty Andavabato ( Kapingo) aho fa tsy ao Ouagadougou…Soa fa tsy Burkinabé aho fa Bôbôlita. Efa ela no fantatry ny olondia toa ahy fa ny korontana politika efa lasa fomban-drazana tsy hita izay naharatsy azy ary efa iainana an-davanandro io ho an’ireo manan-tsaina sy olon-kendry.
Ho dorantsika raha mbola misy azo dorana satria mety ho maro no mihevitra fa fanehoany hevitra ny fandorana izay kely ananany. Efa may ny lapan’ny tanàna, ny teny Andafiavaratra, ny tao Manjakamiadana, ny RNM sy ny TVM…Fa olona adala kosa izay te-ho Burkinabé handoro an’i Tsimbazaza e! Tsy maintsy hiverina aty Kapingo izany ny gidro?
Raha tianao dia aleo aho hijanona aty Andavabato ihany hiaraka amin-dry Lemizo . Amin’izay na tsy hisy ho tantaraina intsony aza aho amin’ireo taranako dia mba afaka hihirahira ihany! Averimberiko eo ny hoe: ”foza orana,ho’aho, biby mi-torina”.
Dikamitovy nanomezan’ny tompony alàlana
Filed under: anao ny fitenenana, asasoratra, fahantràna, fampianarana, fandriampahalemana, fiaraha-monina, kolontsaina, lalàna, politika, tantaram-pirenena, tapatapany, teny malagasy, tontolon'ny asa | Tagged: #andavabato, #burkinabé, #kapingo, #olondia, #ony_rambelo, #Ouagadougou, Andafiavaratra, Manjakamiadana, RNM, Tsimbazaza, TVM |
GAZETY_ADALADALA 
Laisser un commentaire