Leo an’izao fomba fitondra izao

Hoy i Pety RAKOTONIAINA indray andro izay :

« Manova olona ny seza »

Hasorenena no nandrenesako fa voasambotra ny CT RAZANAKOTO Marcelin. Tsy izay antony tsy fantatro any no tiako ho tsipihana, fa izay tsaroako fotsiny dia izy nangataka ny fialan’Atoa Andry Rajoelina.

Izao izany, raha misy mangataka ny fialan’ny mpitondra dia efa miomàna fa ho voakitikitika ianao. Nefa iza moa no tsy nanao toy izany tamin’ireto olona ireto: RAKOTOARIVELO Mamy, ZAFY Albert sns…

Toa resaka fisandohana ho CT sy intervention, hono ilay izy, nefa ny decret de nomination mbola tsy abrogé, no sady tsy mbola nahazo taratasy filazana fa hoe tsy CT intsony io olona io. Nefa mbola tolorana ny tombontsoa amin’ny solika ihany. Mahagaga an.

Ny zavatra mahagaga ahy koa dia izao, maninona ireo olona marobe miantso anaty radio mangataka ny fialan-dRakoto, Rabe, PM, Minisitra sns, no tsy tadiavina koa ny laharany dia samborina tsirairay.

Raha izao an, tsy dia hahagaga ahy raha sanatria misy ireo mpanao sarisary anaty gazety (caricaturistes) ho samborina koa atsy ho atsy fa hoe nanao sary ratsy endrika an’i Manandafy RAKOTONIRINA, na Andry RAJOELINA, na Mamy RAKOROARIVELO, sns …  izay toy ny rano fisotra any rehetra any. Eto amintsika no asa. FA MANKAIZA ISIKA ITY E ?

Mikiaka aho androany fa endrika JADONA izao miverina izao.

Nangataka fiovàna ny olona, ary dia nanantena an’izany. Isan’ireny ny tena,  tamin’ny fotoan’andro nahatsiarovana hoe toa misy endrika didiko fe lehibe teto amin’ny firenena, saingy raha toy izao no zava-misy dia indramiko ilay fomba fitenin’ny tanora tovovavy hoe « Aleo tsy misy toy izay polisy », rehefa te-haneho hevitra momba ny tsy fitiavany zavatra iray izy ireny.

Raha izao zava-misy amin’izao fotoana izao indray no itarafako ny ampitso, dia sarotra amiko  ny hino fa hisy fifidianana malalaka sy mangarahara tokoa eto amin’ity Tanidrazako ity.

Niala an’Ankatso ianao ry Tanindrazako ka tohitra an’Ambohidempona.

Aza manantena ny hahazo ny vatom-pifidianako aloha eeeee, Ianareo rehetra mouvance 4 ireo. LEO , LEO, LEO

Toa mety tokoa ilay sangisangin’ny olona hoe aleo ry zalahy ireo atsofoka anaty trano iray, dia asaina manao 1 sy 1, dia izay tonga amin’ny famaranana ka mivoaka mpandresy no avela hijanona eo, Ny sasany aza moa miteny mihitsy hoe atsofohy ho ao dia apoaka miaraka ao, Aza hitako anie izany! Ary enga anie tsy hisy. Fa tsy sanatria isika vahoaka efa nataon’ireo sorona hatrizay no hamerina ny fomba ratsy fanaony teo aloha.

Ary mba TONGAVA SAINA KOA ILAY VAHOAKA E, Voninkazo anie no aterina ho anao, dia fao-dranomaso ho an’ny fianakaviana e, fa avy eo ry zalahy ireo hiray latabatra ihany. Dia izay ianao vao ho vaky fo sy hipotsa-maso ve sanatria?  Hitako izany teny Ambohitsorohitra tamin’ny #7fevrier 2012 teo rehefa nandinika ireo mpanao politika rehetra tonga teny aho.

Publicités

Fankalazana ny #7fevrier (2012)

Toy ny efa nahazatra ny Fitondrana Tetezamita dia nakalazaina ny fahatsiarovany ny 07 febroary tamin’ity taona ity. Marobe ny olona tonga nanotrona (samy manana ny fomba nanotronany moa ny rehetra). Tsinjo teny Amboasarikely nanoloana ny Moneygram sy ny MCB ny fitangoronan’ny olona mifandrombaka ankanjo T-Shirt, sy raha ny feo heno ihany koa dia miandry ny vola « solon-tsakafo » nampanantenaina.

Ankoatry ny fampahatsiahivana ny lasa nataon’ireo mpandray fitenenana, sy ny fandefasana sary (toy ny tany aloha ihany) natao tamin’irony fàfana lehibe irony, dia nisy koa ny fandraisam-pitenenan’ny solontena avy amin’ireo nizaka ny vokatr’iny hetsika, toy ny AV7 #7fevrier2009 iny.

Maro be ny tonga hoy aho, saingy ny tena nampiavaka ity fankalazana iray ity dia ny tsy nahatongavan’ny Praiminisitra Beriziky sy ny Filohan’ny CT Mamy Rakotoarivelo ary ny nandraisana ilay bilaogera mpanoratra malaza avy any Tonizia ( Lina Ben Mhenni ), mafàna fo amin’ny fanoherana ny tsy rariny, tsy mba manaiky lembenana na resin-tahotra amin’izay ataony.

Hita sy tsinjo teny koa ny sasantsasany tamin’ireo mpanao politika zatra ny milomano ao anatin’ity sehatra iray ity. Nisy ireo mpanohitra ny Tetezamita tany aloha, nahazo toerana, mbola miara-mitantana ao, na ireo efa avy tao no niala.

Alohan’ny hampiaianana an-tsary anao mpamaky ny zava-nitranga teny #Ambohitsorohitra tamin’iny fotoana iny, dia tsy aritra ny tsy hitondra fanamarihana hoe, fa maninona moa no tsy maintsy notapahana tsy ho azon’ny rehetra hivezivezena ny mandalo amin’iny Photorama, BMOI, BOA, BFV mankany Ambatonilita iny? Dia mba izay dia làlana mamonjy ny toerana hisy ny mpanotrona sisa no notapahana. Betsaka ny toeram-pivarotana vaventy teny amin’io faritra io no voatohintohina tsy afaka nanao ny asa fitadiavany isanandro noho izay fanakatonan-dàlana izay. Azo natao tsara indray avy eo rehefa hiala ny toerana ny Filohan’ny Tetezamita, ny manapaka vetivety ny làlana mba handehanany.

Vita izay ny fanamarihana, fa ndeha hitety an-tsary mandritra ny fotoana vitsy ny andron’ny #7fevrier2012 teny Ambohitsorohitra isika

Lina Ben Mhenni ilay Toniziana nandray fitenenana ho fandrisihana ny Malagasy tsy hihemotra amin'ny fitakiana ataony

Misy fandraisam-pitenenan’i Lina Ben Mhenni  sy irao nijoro ho vavolombelona ato

Ato ny Vidéo misy ireo teny voalazan’ny sisam-paty sy mizaka  ny vokany

 

Filaharana miandry akanjo "AMPY IZAY" sy solon-tsakafo koa angamba

ny hery fiarovana teny amin'ny manodidina an'Ambohitsorohitra

Aty jerena fa alaina sary aianreo!

Fisavana tamin'ny faritra sasany teny akaikin'ny Lapam-panjakana

Ny akanjo nozaraina tamin'ireo mpanotrona, lasa hatrany Tonizia ho fahatsiarovana

Ferana ny hafainganam-pandeha fa sao dia mandona ireto sezam-boninahitra ireto an! Sao hanjera ny pilipitran'ingahy Andry Rajoelina eo koa...

Ankoatry ny zavatra hafa dia hahazo raozy kely hatao an-tratra koa ireo nasaina

Ilay tsangambato natao ho an'ireo lavo teto amin'ity toerana ity

...ary m,bola nisy nahatahiry T-shirt toy vaovao an, nefa efa tamin'ny fampielezan-kevitra ireny ENY ireny

Ny fomba ratsy tsy adino mihitsy Tsoahana ny efa azo, dia miverina indray maka hafa sitrany ahay mba mahazo fitafiana ny fianakaviana manontolo

izaho no nitarika ny olona tety, fa rehefa ho ratsy ny tantara avoty aho ry tongotro!

OOaayy izany palitao double-face be dia be eeee!

Hatraiza hatraiza dia misy ny mahazo (miady) seza, dia misy ny eny an-jorony

Nisy teny hafahafa nivoaka ny vavan'ilay iray fohifohy io fa tsy azo ambara eto. Bedy eo annnn!

Banga tsy misy mpipetraka ireto seza ireto, nefa iadiana fo aman'aina ny hitazonana azy (PM / CT)

Alehibeazo ny sary dia ho hitanao fa toa hifamely izy raoalhy ireo, soa fa eo ilay ramatoa hanasaraka an

tonga ny tompom-paety

ilay fihetsiky ny mpiambina sy ny karavato mitovy no mahasarika ahy eto

Nomena fitenenana ny vahiny teto

....AMPY IZAY....Samia mandika sy mandray an'izay teny izay araka izay tiany avy

...hametraka voninkazo ....Teto dia noheveriko fa mbola 1 novambra, hay moa ka diso daty aho

...voninkazo sy vato no anjaran'ny maty...fa ny fampisohoana mantsy natao ho an'ny mason'ny velona

Veloma ianareo fa hatreo ihany no anjarako....

....rava ny tsena...ny artista no mbola ao, fa ny mpanotrona efa manomboka miala kosa...

....tsy maintsy mamonjy fodiana daholo na Gasy na vazaha....

Dia mba handeha hatory koa aho fa efa amin’ny 10 ora alina izao…maika hanonofy fifidianana madio sy malalaka. Asa aho raha mba ho lany raha hilatsaka…. AOKA IZAY fa toa manao revin-gadra aho izany.

« Hono ho’aho Andriamatoa Filoha! » tamin’ny fomba Filipiana

Misy fandaharana iray mandeha izay ao amin’ny RNM rehefa faran’ny herinandro. I Andry Rajoelina no miteny sy mamaly fanontaniana ao amin’izay fotoana izay. Fa efa nisy toa io koa tany aloha. Tenin’ny filoham-pirenena no lohatenin’ilay fandaharana nahenoana ny filoha teo aloha Marc Ravalomanana. Tsaroako tampoka ireo fandaharana roa nifanolo ireo raha nijery vaovao avy any Filipina tao amin’ny Global Voices Online Malagasy aho. Manana ny kaontiny manokana ary amin’ny fomba ofisialy ao amin’ny Facebook ny Filoha Filipiana izay azon’ny olom-pirenena rehetra ifandraisana aminy (Namaly taratasy nalefa tamin’ny alalan’ny facebook ny Filoha).

Tsy nihafihafy ireo olona nitondra ny fanakianany sy ny ahiahiny tamin’ny fandefasana ‘tweet’ ho azy. Ary tamin’ny maha-olon-dehibe azy koa no namaliany ireny olona nanoratra ho azy ireny.

Dia velom-panontaniana eto am-pitoerana etop aho hoe, « Raha misyu ny kaonty ofisialin’ny mpitondra Malagasy, azo fantarina ve?, Ary raha fantatra ka andefasan’ny olom-pirenena fanamarihana – mety ho mamaivay mihitsy angamba- dia mba hahazoana valiny amin’ny fomba mihaja sy tony koa ve? »

Fa mbola fanintaniana hfa koa anefa ny hoe « Raha misy izay kaonty ofisialin’ny mpitondra izay, mba hanoratra am-panajana ve izay hamela hafatra ao? »

Fa maninona moa no apetrako ny fanontaniana toy izany, hoy angamba ny sasany aminareo mpamaky. Tsotra ny antony, satria amin’ireo olona marobe mifanerasera sy mifanoratra amiko aty anaty aterineto, dia tena mirehitra miredareda tokoa ny fanohanana ny andaniny na ny ankilany amin’izao disadisa misy eto amin’ny firenena iza, ary tsy mifampitsitsy teny tokao ireo izay mifanoratra amin’izany. Teo aloha teo dia efa nahiako hiafara amin’ny ompa atao amin’ny fomba mivantana mihitsy ny fifanakalozan-dresaka, hay moa ka mba nihalefy ihany izay hafanana izay nony tato aoriana kely ary dia miverina nyu fifanajana sy ny fomba fiteny manao sangisangy zary tenany, ary ny vazivazy.

« Eny ho’aho Ra-Malagasy, Malagasy be fivoarana… » (santionan-tononkalon’i Randzazanamihoatra))

Maty Andry RAJOELINA raha…

Tsy vitsy no naheno ilay fianjerana angidimby (helicopter) tany amin’ny faritr’Anjozorobe iny. Vazaha roa no voalaza fa maty nandritra iny loza iny. Fa ny tena tiana hampitaina ary mino aho fa tsy dia maro no nahalala azy dia tsy an’iza akory ilay angidimby nianjera fa an’ny filohan’ny HAT raha ny filazan’ny onjam-peo iray teto Antananarivo.

Mpanamory manokan’ny filohan’ny HAT no maty tamin’ilay fianjerana tany amin’ny manodidina an’Anjozorobe. Somary nanaitra ihany ny nahalalana ilay vaovao milaza ny maha -azy ilay fitaovana sarobidy. Satria tokoa dia tsy maintsy lasa ihany ny saina hoe : fa naninona no ny azy no nianjera? Teraka noho izany ny ahiahy ny amin’ny hoe ‘mety ho izy RAJOELINA mihitsy no nokendrena hidaboka tamin’iny dian’ny angidimby ho any Antalaha iny, saingy tsy izay no lahatra’ , sy ny hoe ‘dia nokitihana mialoha mba hisy fahasimbana mihitsy angamba izany ilay fitaovana ka niandry ny fotoana hitrangan’ny loza fotsiny sisa’.

Nefa raha izy tokoa no nokendrena dia saika zava-doza no nitranga raha tonga tamin’izay notadiaviny izay olona nieritreritra an’izany. Saingy moa ve vaha-olana sa hanampy trotraka ny olana ny zavatra toy izany raha nitranga tokoa? Maty Andry RAJOELINA raha nisy kely foana araka izany.

Toa mahalasalasa saina ihany tokoa mantsy ny fandehan-javatra tato ho ato rehefa mahita ireto mpitantana ao amin’ny FIS mifanipaka sy mifanasa vangy ireto ny vahoaka. Ny ety ivelany aza manahirana ny saina, izao indray koa ny ao anaty harona no manao fombam-balàla.

Dia inona tokoa re no ho fepetra horaisin’ny tafika rehefa tonga ny fetra (izay tsy fantatsika hoe rahoviana) napetrak’izy ireo mba hitondrana ny ‘feuille de route’ sy ny vaha-olana amin’ny krizy iainantsika ity e?

« Izay maharitra vadin’Andriana » hoy ny Ntaolo izay, nefa toa tiana ho fantatra mialoha ihany . Sa sao taitai-homa-menaka eo aho…?

Ny hevitra tera-bary (ao amin’ny SERASERA)

Mivaky loha mitady vaha olana amin’ny krizy ny maro. Ao anatin’izany rehetra izany koa anefa dia misy ny mivaky loha mifanasa vangy. Indrindra indrindra fa eo anivon’ny serasera anaty aterineto. Asa na noho izy ireny tsy mifankahitva tava, fa mifankahalala anarana sy adiresy mailaka fotsiny, na ahoana, fa dia mampalahelo raha ny krizy nataon’izy efatra mianaka no hampizarazara anareo rehetra. Nataoko ihany ny tsy hiresaka sy tsy hitatitra intsony ny resaka politika teto, nefa manahirana ny saina ihany ny mahita ny fifandonanareo ao anaty serasera ao. Ny ompa reny sy ny vely avoahangy sisa angamba no tsy haiko hoe rahoviana! Enga anie tsy hiafara amin’izany ny raharaha.

Rehefa mba tafahaona amin’ireo namana rehetra mpiara-misera (Malagasy aty Madagasikara) aho, ary matetika mihitsy izahay no misy fihaonana, dia faly sy finaritra ery mahita fa na dia tsy mitovy hevitra sy samy manana ny lalan-kizorany, ny olona na firehana mampandripandry ny sainy aza ny tsirairay, dia afaka mifanakalo hevitra tsara anaty tsikitsiky, sy manodidina latabatra iray, mandeha eo ny misotrosotro sy ny mihinankinana, lavitra anay ny hieritreritra zavatra hafa toy ny hoe: aleo mitandrina fa olona tsy mitovy hevitra amin’ny tena anie ireto ka sao manao vorika am-bava, sns.. Mety ho henjana ilay fomba anehoako azy, nefa dia izay aloha no hitako fa mety amoahako azy ka miala tsiny indrindra. Mba afaka ny hanao toy izany ve ianareo mifandrangitra sy mifanasa vangy ireo? Mba manokana fotoana iray hoe mba mifnatri-tava dia miresaka, dia eo no mifamboraka sy mifandresy lahatra. Esory ilay ahiahy hoe ka ho hita eo aho hoe iza sy ny hoe aiza. Na izaho aza efa nisy fotoana nifampitadiavana teto amin’ity tontolon’ny virtoaly ity, saingy tato anatin’ny herinandro vitsivitsy nieritreretana dia nanapa-kevitra fa aleo lazaina izay azo lazaina, ary aleo ho avy izay ho avy. Nahoana? Satria matoky aho rehefa mihaona amin’ireo namana rehetra nolazaiko tery ambony, ankoatra ny hafa any ambadika, fa tsy ho tafatoetra ela eto Madagasikara izany fanapenam-bava izany (raha sanatria ka efa misy mikononkonona). Koa sahia zalahy mifanatrika ianareo any ampita any dia mifanazavà ankitsim-po ah!

Jereo anie itony resaka itony e:

[serasera] NY HEVITRA TERA-BARY

Dimanche 11 avril 2010 0h31

De: « Sxxx » <xxx@orange.fr>

À: « yyy » <yyy@yahoo.fr>, « zzz » <zzz@gmail.com>

Cc: serasera@yahoogroupes.fr, serasera@serasera.com

yyy!
Hoy ianao : « na zany aza ao koa no tena misy TIA Tanindrazana » , mba tanisao hoe iza ao amin’ ny HAT no mahafeno io?
Mbola hoy ihany koa ianao : « rebireben’ny RENIMALALA na ny firenena hafa any de reveo ao fa antsika, mba LEHIBE @ zay fa efa 50 taona zao ». Hoy aho hoe, angamba ianao io tsy any Madagasikara ka tsy mahita fa i Renimalalanareo anie no mitaingimbozona ny HAT.
Eto amin’ny serasera ianao, ka anisan’ireo manao lala-kitan-kisoa ve ianao sa tsia?
Manahy aho mantsy fa toa manondro tena ianao arak’ilay fehezan-teninao farany, hoy aho anakampo mamaky ny taratasinao : tsy ny tenany ve no resahiny io?
i Sxxx
From: zzz
Sent: Saturday, April 10, 2010 11:43 PM
To: yyy
Subject: Re: [serasera] NY HEVITRA TERA-BARY

Salama,

Dia amin’izao mifalia fa efa miadana tsara ianareo. Ampy sakafo. Tsy
misy mahantra intsony. Tafita.
Mahagaga tokoa hoe inona marina no mampivadika atidoha anay aty andafy
amin’izany. Ianareo ao Madagasikara aza mahazaka sy milamina tsara.

Mazotoa sy miadàna ao ary e.

zzz

2010/4/10 yyy <yyy@yahoo. fr>:
Miarahaba ny PISERA rehetra.
Manaraka ity serasera ity ihany rehefa manam-bola handoavana internet, efa antaonany maro izay. Marihina amin’izany fa manao lalan-kintan- KISOA daholo ny ankamaroan’ny mpisera eto. Amin’izao fotoana izao de ny fanenjehana ny HAT sy ny TGV no mafotaka eto. T@ 2002 de nilelaka an-ndr8. Amin’ny lafiny ray de tsy misy maharatsy izany fa ny mampalahelo de kely tadidy daholo ianareo mianakavy.
Apetrao @ laoniny aloha ny tantara.

1-Inona no nahatonga ny Revolution Orange?
Marc Ravalomanana  4 mandats pour finir la construction par zzz R.
L’Express de Madagascar, Edition n° 3601 du 09-01-2007

Avec sa force actuelle, l’opposition ne peut pas jouer le rôle de contre-pouvoir. Ce qui faciliterait la marche du président réélu Marc Ravalomanana vers un troisième ou un quatrième mandat…
Avy eo nisy ny SAKOROKO raha ts’zany na mandrapahafatiny aza ny RAINAREO prezidà teo foana. Aza kely ati-doha fa raha tsy fanonganam-panjakan a na zay ilazanreo azy tsy niongana teo mihitsy izy. Zao nareo mitady oe hiverina @ LEGALITE, (mieritrereta) . Avy eo lazainareo fa ny HAT ndray no namono olona teny Ambohitsorohatra (Lundi noir)…

2-Famine dans le Sud  Déjà des victimes
Madagascar Tribune, N° 5451 : Mercredi 03 Janvier 2007, Alphonse M.
Contrairement aux informations véhiculées par certains médias, le « kere » (famine) qui sévit dans le sud de l’île a déjà fait des victimes. Selon notre source, faute de nourriture, des pertes de vie humaine ont été signalées dans la région de l’Androy sans compter la quasi inexistence de l’eau. Les femmes et les enfants sont les plus touchés par ce fléau. Sur le marché, les bétails sont bradés pour pouvoir acheter des aliments…
Lazainareo fa ny HAT no mampahantra antsika, ny fahantrana efa teo foana fa aza dondrona, ny vola any am-paosiny DADANAREO. Tsy hiova akory izany na iza na iza hitondra fanjakana eo. Amboary ny saina de hamafiso ny lalàna. Trafique de Bois de Rose, d’influence, de corruption, fa ahoana e! Iza no nanomboka lay fintrandrahana bois de rose??? efa teo anie reo hazo ireo vao tonga teo ny HAT e! Tsy manadio an-dry zalahy akory, fa nareo be vava reo ve raha nahita ny saosy nihanahana teo de ahoana???
Des milliers de Malagasy qui ont perdus leur travail ? Ny fianakavinako koa ao anatin’izany, tsy maninona io fa reveo, rehefa manendy atody ts’maintsy misy vaky. Tadidio fa na ho ela na ho aingana de ts’maintsy ho foana ny tsena hafak’haba (zone franche),nitontona @ zao fotoana zao zany.
Des MILLIERS D’ENFANTS et de familles qui sont à la rue, sans nourriture, sans foyers, vivant au jour le jour. Zany indrindra no mila fanovana, tsy vao androany akory no misy izany, ary aza manao ririnin-dasa tsy mba tsaroana fa io resaka io foana no nahatonga ny SAKOROKA teto DAGO, 1972 à 2002 en passant par ceux de 1991 et 2001 na 2009, vokany rà mandriaka no narotsaka teto @ FIRENENA.

3-FEHINY: Na nareo any andafy any aza de hafahafa fisainana tsy mahatanty zany DEMOKRASIA zany. Tsy eken’ny sainareo raha tsy mitovy hevitra ny olona rehetra. Ataonareo anaty harona ray daholo ny olona rehetra ao @ HAT ary tsy maintsy mitovy fisainana. Olona samihafa daholo anie ireo e! ao ny mpangalatra tsy misaina afa-tsy ny hanolana volam-bahoaka, ao ny mpitady seza, ao ny mpanao polifika masiso hatramin’ny 1960, na zany aza ao koa no tena misy TIA Tanindrazana. Ireo no atao oe vahoaka malagasy ary hevitra ray no tanjona « HANOVA ZAVATRA » repoblika faha 4.
Aoka isika samy malagasy no hifandamina, ary raha mety rebireben’ny RENIMALALA na ny firenena hafa any de reveo ao fa antsika, mba LEHIBE @ zay fa efa 50 taona zao.
Hatreo aloha fa vonona hifanandrina aminareo aho.
« il faut toujours se référer à l’histoire pour pouvoir mieux se repérer et améliorer les choses. Ou à les corriger. Un pays qui n’a pas de source historique, flotte ».(OLALA, Me Willy Razafinjatovo)

Des piques aux détracteurs du régime
Midi Madagascar, Parution N° : 7729 du 10 janvier 2009 Recueillis par Dominique R.

Marc RAVALOMANANA. « Pour ceux qui s’aventurent à fustiger le régime, nous serons intraitables », a averti le président de la République…

OppositionLe CRN mobilise certaines régions
Midi, Parution N° : 7493 du 2 avril 2008 par Fano Rakotondrazaka

…Les dirigeants du CRN réunis hier à la villa Elisabeth… Le membre fervent du Comité pour la réconciliation nationale (CRN), Tabera Randriamanantsoa, a fait un bilan de 1882 détenus politiques depuis l’avénement de Marc Ravalomanana au pouvoir. Il a annoncé hier, à la villa Elisabeth, que l’identité de ces personnes, ainsi que les conditions de leur détention feront l’objet d’une publication prochaine.

Raha ny akama no mangetotra de tsy maimbo fa raha ny hafa de mampi- degôba.

Mampiantso mpanao gazety indray ingahy Andry RAJOELINA rahalina amin’ny 8ora sy 30 mn, ka asa izay vaovao lehibe ho lazainy ho antsika ao fa dia samy miandry izany e! Enga anie tsy hanao « fotoan-gasy » indray.

Vaovao farany (11 Aprily 2010, 7 ora hariva)

***************

Nofoanana tamin’ny ora farany ny valan-dresaka tokony ho natao ho an’ny mpanao gazety. Hahemotra amin’ny fotoana tsy fantatra. Hidinika amin’ireo manamboninahitry ny tafika ingahy Andry RAJOELINA ny 12 Aprily 2010.

Hifanolotra atody

Ho avy ny fety kristiana ‘Paka’. Tsy misaraka amin’io andro io sy ny manodidina azy ny resaka Chocolat, lakolosy, bitro sy atody. Misy tantarany ny niavian’ireny, saingy tsy hidirantsika lalina loatra.

Midika inona ho an’ny maro ary ny ‘Paka’? Ao ny mandray azy ho ilay Andro nitsanganan’i Kristy taorian’ny namonoana azy. Ao ny mandray azy ho androm-pibebahana sy Fihavaozana indray eo amin’ny fiainana. Ao ny mametraka azy ho toy ny andro firavoravoanan fihinanana sy fisotroana fotsiny.

Fanao any ivelany any, rehefa tonon’andro ‘Paka’ ny mifanolotra zavatra ka isan’ireny ny ‘atody’. Zavatra fady tamin’ny Malagasy sasany tany aloha tany izany hoe mifanolotra atody izany. Maha kizo fara sy mahaboribory fiainana, hono (ataovy an-tsaina ilay fiteny hoe : vato kiboribory). Fa ankilany kosa anefa dia midika fitohizan’ny aina izy, nefa koa raha ny bikan’ny ivelany no jerena dia milaza fahatanterahana. Mifamela ny olona nanana disadisa amin’io andro io, na efa mialoha azy akory aza (mandritry ny herinandro masina).

Be ny disadisa amin’izao fotoana eto amin’ny samy Malagasy (tsy ny monina sy mipetraka eo ambonin’i Madagasikara ihany, fa na ireo zanaka am-pielezana eran-tany koa aza). Mba hisy ve izay fifamelana sy fihavaozana izay amin’ity ‘Paka 2010’ ho avy ity? Nandeha ny feo fa hoe taorian’ny tsidika tselatra nataon’ireo iram-panjakana frantsay mba hitadiavana vaha olana momba ny krkizin’i Madagasikara, dia mery hisy ny fihaonana Andry RAJOELINA sy Marc RAVALOMANANA. Nilaza anefa MArc RAVALOMANANA androany fa tsy misy an’izany ary tsy hihaona velively amin’i Andry RAJOELINA raha tsy eo koa RATSIRAKA Didier sy ZAFY Albert. Mandeha koa ny fivoriana ankiafinafina etsy sy eroa. Voalaza mihitsy fa misy fikasana hanongam-panjakana any ho any. Resahana ny mety hisian’ny ‘explosion sociale’ goavana eto Madagasikara ato ho ato. Karazana atody re izao.

Mba iza amin’ireo atody ireo no tianao hatao fanomezana amin’ity ‘Paka 2010’ ity?

Ny irariana fotsiny dia ny mba hahaizan’ny tsirairay mifanolotra ny atody tsara indrindra, dia ny fihavanana sy ny firaisankina. Fa tsy ho sanatria ‘lamokan’atody’, na ‘atody poak’aty’ efa notrohin’ny mpanolotra mialoha izay tao anatiny, na koa ‘atody vato’ tsy hita ho hanina fa sahaza kosa ho haingon-trano hampiraraka ny ivy fotsiny.

Fintina ny fanambaran’ny Filohan’ny Tetezamita Andry Rajoelina

Fanambaràna natao ny harivan’ny 25 Febroary 2010 tamin’ny 8 ora alina mahery teo. Tsy ny hafatra manontolo no hitanao eto fa sombiny amin’ilay fanambarana

…mitodika amin’ny Malagasy rehetra tsy vaky volo aho….itondrako ny olana…sy ny làlana ivoahana amin’izany….

..manana ny fiandrianany tsy azon’iza na iza esorina aminy ny firenena iray… Mila fanovàna ny firenena, mijoro isika ary mbola hijoro amin’izany adidy lehibe izany…herintaona no nisian’ny fifandaminana …nitadiavana vahaolana, nisian’ny fiafanarahana samihafa…tsy nahitana vokany…be ny fandeferana…hikatsahana filaminana …tsy nahavaha olana…Natomboka ny fiaraha-mitantana…ny ala-nenina rehetra fa tsy nahomby….tonga ny fotoana handraisantsika Malagasy andraikitra…tsy mendrika ny Malagasy ny fampihorohoroana na avy ato anatiny na avy any ivelany…tsy misy afa-tsy ny fifidianana no ala-olana…Ny Malagasy  samy Malagasy no afaka mahita ny vahaolana. Fotoana izao hanehoantsika ny tena fitiavan-tanindrazana…tanindrazana iaraha-manana sy iaraha-monina…Manasa ny hery piolitika sy ny fiarahamonim-pirenena izahay…hiara-manao atrik’asa amin’ny 04 martsa sy 05 martsa. Tsy ny mpitondra, na ny ankolafinkery efatra ihany fa ny rehetra….vonona izahay handinika izay fepetra heverin’ny besinimaro fa ilaina hampilamina ny tontolo politika eto Madagasikara…ny tanjona: hahatongavana amin’ny fikarakarana fifidianana…hametraka ny CENI hikarakakra izany fifidianana izany anaty mangarahara tanteraka…voarainay ny hafatry ny firaisambe Afrikana mikasika ny sazy…Madagasikara an’ny Malagasy…..Mandra-pahatongan’ny fifidianana dia vonona izahay hanokatra ny andrim-panjakana samihafa amin’ny ankolafy samihafa…ao anaty fifanajana sy fiaraha-mitantana…Hasehontsika amin’izao tontolo izao fa manana ny fahendreny ny Malagasy