FPVM sy ny taorian’ilay video

Araka ny efa fantatry ny maro, andro vitsyu taorian’ny Noely, dia navaivay tokoa ho an’ny mpino FPVM iny herinadro farany tamin’ny taona 2010 iny.

Tamin’ity Alahady voalohany aminìny taona 2011 ity, say voalohany taorian’ireny resabe tanaty gazety nahazo azy ireny, dia namonjy ny fotoam-pivavahana tao amin’io fiangonana io aho. Tamin’ny 8 ora maraina teo ny ora nahatongavana.

Raha noeritreretina fa hisy fiantraikany ratsy tamin’ireo vahoaka marobe mpanaraka ity FPVM ity ireny zavatra mamoafady ireny, dia ny nifanohitra tamin’izany kosa no tsinjo androany, satria dia feno olona nanomboka tamin’ny efitrano ambany indrindra ka hatrany amin’ny rihana faharoa io fiangonana io.

Fotoan-dehibe ho an’ny rehetra rahateo ny androany noho izy Alahady nanaraka ny fandraisana ny taona voavao

Tsy misy ny sary azo naroso satria entitra ny tao an-toerana androany ny amin’ny fahazoana alalana mialoha raha hampiasa camera na appareil photo ianao. Koa satria tsy nanana izany ny teto amin’ny Gazety_Adaladala dia tsy afaka nanatselatselatra flash, na naka sary ho enti-mandravaka ny lahatsoratra.

Fitohanana tsy nisy toy izany ny firavan’ity fiangonana ity tamin’ny 11 ora tany ho any.

Manararaotra etoana ny eto amin’ny Gazety_Adaladala MIARAHABA NY MPAMAKY REHETRA NAHATRATRA NY TAONA 2011.  HO FITAHIANA SY FAHOMBIAZANA ANIE IZAY REHETRA ATAO

Publicités