Ny Nataon’ny Zandary Ahy Androany

Teny Sabotsy Namehana no nitranga ny tantara.

Handeha hanatrika ny lanonana fankalazana ny faha-1 taonan’ny Asso TETEZANA MADA (ATM) izahay mianaka androany maraina. Rehefa hianika ny fiakarana mankeo amin’ny tsenan’i SabNam, dia indreto fiarabe (camions) 3, midina avy any ambony, raha izahay kosa hiakatra. Nahataitra ahy ny nahita zandary 3 lahy nilanja basy nihazakazaka teny afovoan’ny arabe nanenjika ireto fiarabe 3 ireto, no sady mibaiko azy ireo hijanona. Rehefa nahatratra ny tandrifin’ilay fiara lohalaharana ny voalohany tamin’izy telolahy zandary, dia nijanona ity mpamily. Ary dia nasaina niditra tao amin’ny tobin-dasantsy teo ambany teo daholo ny fiarabe 3. Ampitan’ny BOA Madagascar.

Tsy naharitra ny tena satria moa sady liana te-hahafantatra izay mitranga, no manangona ny vaovao rahateo, ka dia nitodi-doha avy hatrany niverina nanaraka ireo fiarabe sy zandary hatreny amin’ilay tobin-tsolika. Notakiana ny taratasy rehetra tao amin’ilay mpamily voalohany, ary dia nomen’ity farany tsy nisy andraso andraso. […] Mbola nanao tazan-davitra aloha aho, ka nahatsikaritra rehefa elaela fa nisy ramatoa iray koa nijoro niaraka tamin’ireto zandary nony avy eo. Noheveriko ho mpanangona vaovao ihany koa. Nanatona amin’izay aho ary nanontany ampahatsorana ny mety ho olana mitranga: ‘Tsy misy‘, hoy ny iray tamin’ireo zandary, namaly. « Manao fisavàna tsotra fotsiny izahay« . Narahany fanontaniana sy fisavàna ny karatro « Fa izao moa ianao? ». Dia nojereny daholo izay rehetra taty amiko: CIN, Badge-ko avy amin’ny American Press Center, fony mbola tetsy Antanimena. Dia navela niala aho avy eo.

Koa satria tsy afa-po tamin’ny valinteny aho, dia mbola niandriandry ihany teny lavidavitra teny. Tsikaritro avy eo fa mbola voatazona ela ireto fiarabe, ary nisy fotoana naneho ny fikasàny hiresaka tamiko ilay ramatoa tompon’ny entana (HAZO), no sady nilaza sy nanontany hoe « Mbola hitako eo ve ianao rehefa avy eo? » – « Fa ahoana? » hoy aho, « fa ianao moa inona ao anatin’izao zavatra mitranga izao? » – « Izaho no tompon’ireo entana ireo, ary ara-dalàna daholo ny taratasiko, saingy tsy fantatro ny antony hitazonana anay, no sady tsy mety milaza koa ry zareo« . Dia lasa izy satria nokopahan’ny iray tamin’ireo zandary tery ampitan’ny arabe.

Tsy ela taorian’izay dia nentin’ilay zandary tany ambadiky ny iray tamin’ireo fiarabe izy, ka tao anelanelan’ny fiara sy ny tambohon’ny tobin-tsolika tao ry zareo no niresaka. Nanomboka naka sary aho teo. Tsy nisy nahita ahy mihitsy ireo zandary tamin’ny nakako ny sary.

100_9827

Akory ny hagagako fa rehefa injay hamonjy ny zanako ka hanainga hanohy ny dianay ho any amin’ny lanonana iny aho, dia indreto izy telolahy, nanatona ahy, nandrahona, no sady nilaza tamiko fa « Tsy efa nilazana ve ianao teo fa hoe tsy misy na inona na inona. Naka sary ianao teo, Tsy fanao ny maka sary ny zandary sy ny polisy ary ny tafika eo am-panatanterahana ny asany, Aiza ny fakantsary« . Notakiana ny fakantsary hijerena sy hamafàna izay tao anatiny. Natolotro soa amantsara. Tsy nionona tamin’izany ny iray fa mbola sady mibetrobetroka no aviavy fiteny, nefa iretsy roa ambiny kosa, tsoriko fa sady nanaja, no azo nifampiresahana tsara. Ity fahatelo ity no nitaky ny anarako sy ny adiresiko. Fa inona koa moa no tokony hatahorako? Nomeko azy ny adiresy sy ny anarana notakiany. Tsy ampy azy izay fa mbola nanontaniany koa hoe aiza no misy ny foiben’izany American Press Center izany. Ary dia novaliako hoe « Mazava loatra fa any anatin’ny Ambasady no misy azy, Sefo. Eny Andranomena ».

Elaela ihany izahay mianaka no voatazona teo, ary efa ratsiratsy ihany ny saiko tamin’ny fihetsik’ilay zandary faha-3 ity.

Fa ny nahalasa ny saiko dia ny hoe: matoa ireto zandary ireto nahalala fa naka sary azy aho, dia olona hafa no nilaza tamny, izay marihako fa tsy misy afa-tsy ireo mpiasan’ny tobin-tsolika. Midika zavatra ve izany? Asa re? Mahalasa saina ihany anefa an!

Tonga saina tampoka teo ireto zandary ka mbola niverina nanontany ihany: « Sao mbola misy appareil hafa any?- « Eny Sefo, ity mbola misy« , sady natolotro azy, « saingy tsy misy batterie ka inona no ho azoko ampiasàna azy? » – « Fa aiza ny batterie nefa ianao milaza handeha hamonjy lanonana? » – « Ny renin’ny zaza no mitondra ny sac misy ny accessoires sy ny batterie« .

Taorian’ity zava-nitranga ity moa dia nisy olona tafaresaka tamin’ny tena, mponina eny ihany, nijoro vavolombelona amin’ny fihetsika sy ny fanaon’ireto zandary ao an-toerana ireto

Ampitaiko aminareo namana sy mpamaky ity zava-mitranga ity, satria tsy haiko izay mbola ho tohiny.

Une Réponse

  1. Miarahaba ny gazety
    Izaho koa dia efa nataon’ireo Gendarme Sabotsy ireo toy ny nahazo anao fa ny fitrangany no tsy nitovy.
    Izaho moa monina eny ihany, raha iny izaho nandeha moto iny dia nosakanany ary tsy tahaka ny fanakanana rehera no natao tamiko fa efa ho dify andry zareo aho vao nosakanana tampoka, rehefa nitaky ny taratasy rehetra izy ka tsi hitany izay tsy nety, dia nila vaniny t@ zavatra hafa indray izireo ka nilaza fa atao fourrière ny moto. Ny fouriière anefa raha ny fahazahoako azy dia any amin’ny commune no atao. Rehafa najanona tao @ biraon’ny zandrary ny moto miaraka @papier complet dia nasaina nadeha aho ka any @commune no nasainy nandoa vola. Izaho mba nangataka ny hanomezana ahy taratasy @ mahavoatazona ny motoako tao @ zareo dia valiteny anavona no azoko: Angaha izahay heverinla fa mpangalatra fa io moto io ary no mety ho halatra hoy izy ireo fa mandehana mandeha any. Rehefa ni insiste ihany aho dia nanaovana taratasy ihany. Nony Tonga ny alatsinainy saika handoavako ny vola droit de fourrière tany @ commune dia tsy tao indray ny papier fa nolazaina tamiko hoe andehana aloha miresaka @ gendarme nanao fourrière fa izy no mideterminer ny droit, dia namaly aho f’angaha tsy ny comune no mamnao izany @ alalan’ny arrêté municipal, dia tiako ho fantatra koa ny infraction nataoko. dia gaga aho fa na ny mpiasan’ny commune aza tsy mahafantatra akory hoe tokony izy no manao izany. Rehefa nakany @ gandarme aho dia nanaovana valy boraingina fotsiny satria nitaky t@izy ireo ny motif na infraction sy ny texte de base mi determiner ny vola ho alohako izay noterena handoa fotsiny izao 20 000 ar ary ry zareo indray no nadrahona hoe andehana mitory rehefa tsy faly dia ho itatsika eo ny tohiny. Izaho moa tsy nanana fotoana be nolaniaina taminy ny motoako koa ilaiko satria fitondrako miasa aty Antananarivo.
    Ny hany nolazaiko taminy fotsiny dia hoe samy mpiasampanjakana isika ka mbola hifanena ary tsy maintsy mbola misy hilanareo ahy fa izaho miasa @ hopitaly lehibe ao andrenivohitra, satria matetika ireny Gendarme na polisy ireny no tena mpanao intervention isaky ny misy havany mihiditra hôpitaly.
    Dia mankahery anareo, fa ireo efa fomba fanaony izany indrindra fa ireo Gendarme vao tonga ireo.

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s

%d blogueurs aiment cette page :