Tokony hanova fomba fanao ve?

Misy zavatra mba manitikitika ny saina ihany ny zavatra nitranga teto amin’ny tanàna teo aloha kely teo.

Nitaky ny hanemorana ny fifidianana izay ho ben’ny tanàna ny AMM. Rehefa tsy nahazo valiny dia nilaza hidina an-dalambe. Ary dia nidina tokoa anie izany ry Guy Maxime R. sy ny namany vitsy.

Nandràra ny fidinana an-dalambe ny prefektioran’ny polisy misahana an’Antananarivo Renivohitra. Ny antony naroso dia ny hoe satria fotoanan’ny fifidianana.

Rehefa nidina an-dalambe satria tsy nahita rirany ireo mpikambana tao amin’ny AMM, na dia mbola tsy niloa-bava aza dia nosamborina.

Tsy ela akory taorian’izay navoaka ny fanambaràna tamin’ny haino amanjery fa hoe hahemotra ilay fifidianana, anton’ilay fidinana an-dalambe.

Niakatra fitsarana ilay voasambotra ary voasazy sazy mihatra 2 volana an-tranomaizina.

Vàka ny saina nandinika an’izay. Tsy tapi-pahaizana mpahay lalàna moa ny tena no sady tsy te-hisalovana ny asan’izy ireny, fa mba mandefa fisainana fotsiny ihany amin’ny hoe « Fa angaha tsy azo natao sazy mihantona izy iny? « .  Ny antony itenenana an’izay dia satria toa nanome rariny an’iretsy mpitaky ihany ny namoahana fanambaràna nony tato aoriana fa hoe hahemotra ilay fifidianana.

Hiresaka Ministera sy CUA indray isika:

Mikasika ny fitantanana ny tanàna no hasian-teny. Niteraka resa-be ilay fanamboaran-trano ataon’ny BAO LAI. Iza no tompon’andraikitra? Ny andaniny milaza fa misy tsy mandeha ilàlany ao amin’ny ankilany ao ka dia niantso ny BIANCO hiditra an-tsehatra hanara-maso ny ankilany. Ny ankilany indray milaza fa fahefany sy ny andraikiny ihany no notanterahany tamin’ny fanomezan-dàlana nataony.

Efa hatrany amin’ny andro taloha tany no efa olana foana ny amin’io sàta mifehy an’Antananarivo Renivohitra io. Isan’ny fifandirana teo amin’ny Ben’ny tanàna tamin’ny fotoan’androny (Marc RAVALOMANANA) izany raha mbola teo amin’ny fitondrana ingahy RATSIRAKA Didier. Nefa dia toetra nodimbiasan’iry voalohany nony injay koa izy tonga teo min’ny fitondrana ka ingahy RAJOELINA Andry indray no ben’ny tanàna. Ankehitriny dia trà-pàrany eo amin’ny fitondrana HAT i Andry RAJOELINA ary dia mitady hitranga sy hiverina ny taloha. Tsy hay aloha izay tompon’ny hevitra na ny fitondrna foibe, na ny Ministeran’ny Fanapariahana Fahefana (Hajo A.), fa ny hita dia ny fihenjanan’ny tady eo amin’ny CUA sy io Ministera io amin’izao fotoana.

Fotoana angamba izao hamoahana ny hoe iza no iza, ary iza no manao inona sy tokony hanao inona eto amin’ny tanàna, fa manjary toa lasa fanaovanareo politikan’ny fangalam-piery Antananarivo Renivohitra.

Aoka hazava ny resaka fa tsy ny vahoaka ihany no tokony hanova fomba fanao, fa ianareo dia ianareo mpitondra sy be fampanantenana ireny indrindra aza no tokony ho voalohany amin’izany.

+++++++++++++++++++++<<<<<<>>>>>>++++++++++++++++++++++

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s

%d blogueurs aiment cette page :