17 janoary 2009 – 17 janoary 2010

Herintaona androany 17 janoary 2010 no nanambaran’i Andry RAJOELINA fa kianjan’ny demaokrasia ny eo Ambohijatovo.

Nataony io hetsika io tamin’izany fotoana rehefa nakaton’ny fanjakana sy voasembatsembana ireo haino amanjery tsy miankina maro, ary voafetra na tsy dia nisy loatra ny fahafahana mahazo sehatra tao amin’ny haino amanjerim-panjakana. Indrindra moa fa noho ny fanakatonana nataon-dRavalomanana ny orinasany VIVA tetsy Ambodivona.
Nolazaina tamin’izany fotoana fa afaka maneho hevitra eo daholo ny rehetra te-hiteny, ary tsy mila fahazoan-dalana avy amin’ny prefet, fa avy amin’ny kaominina no alaina dia  ‘Lasa izao’.
Mipetraka anefa ny fanontaniana amin’izao fotoana izao: Tena mbola kianjan’ny demaokrasia marina ve io kianja io, ary afaka maneho hevitra eo daholo ve ny rehetra? Satria raha ny fijery azy amin’izao fotoana dia tsy misy afaka maneho hevitra eo ny mpanohitra ny fitondrana misy ankehitriny. Asa raha mety ho anton’izany ny fisokafana sy ny fahafahan’ny rehetra maneho hevitra amin’ireo haino amanjery tsy miankina maro misy eto amin’ny Nosy amin’izao androntsika izao.

Publicités

Rakotra manokana ho anao (17 janoary 2010)

Rakotra manokana (Special coverage) no entiko ho anao androany. Rohy nofantenana momba ny horohorontany tany Haiti ny voalohany (eto amin’ny teny anglisy, ary misy rohy mankamin’ny tenim-pirenena hafa ihany koa) , ary rohy momba ny rakotra an-tsary nandritra ny fara-veloma natao tamin’ny Kardinaly/Cardinal Gaetan RAZAFINDRATANDRA kosa ny faharoa (ato), lahatsoratra amin’ny teny Italiana ny fahatelo  (ato), amin’ny teny frantsay ny fahaefatra (eto)