Esory ilay sarinà lohan’omby

Resabe tety anaty serasera sy teny anivon’ny fiarahamonina ny eritreritry ny PDS CUA – #Ny_Hasina_Andriamanjato hanaisotra ilay sarinà lohan’omby tsy ho hita intsony amin’ny mari-pamantarana ny tanànan’Antananarivo. Betsaka no naneho ny hasosorany, tao ny tsy nanan-kolazaina. Tsy mba isan’ireny tsy nanan-kambara ireny i Raozigasy fa hoy indrindra izy nandefa hafatra ho setrin’io eritreritra manidina io:

 

Ombin’ny arivolahy

Malagasy ianao izao vao Kristiana
ka ireo ombin’Iarivo, aleo kely eo hijanona
sa tianao mihitsy soloina vokovoko
dia ny tokontaniny, ovaina fotsy loko ?

Malagasy ianao, izay vao Kristiana
ilay resaka Finoana, aleo aloha hilamina
ianao ange Filoha, napetraka ho Laika
ary ny toeranao, seza Politika

Malagasy ianao, izay vao Kristiana
ny sonian’ny tantara, aza salovanina
izay laharam-pahamehana, ireny aloha jerena
ny atambom-pahalemana, andramo mba resena

Malagasy ianao, izay vao Kristiana
izaho raha miteny, tsy hoe dia mila vanona
raha diso moa ny hevitro, avereno ho ahy
f’aleo hipetraka eo, ny ombin’ny arivolahy

Raozigasy

 

Fa izany eo ihany, tsara ihany kosa ny mba hanolorana dera ho an’ingahy PDS tamin’ny fahasahiany nanadio  ny fifamoivoizana sy ny faritra Analakely omaly 15 Aprily 2014. Voaloko tsara ny sisin-dàlana, nalalaka ny arabe, tonga ara-potoana tany an-tokantrano ny tsirairay. Tamin’iny lafiny iny, "Misaotra eram-po, eran-tsaina". Andrasako manaraka aminao, PDS, ny fanadiovana ny sisin-dàlana amin’ireto mpivarotra amoron-dàlana ireto. Aleo hikamenona any ny mpivarotra fiara, aleo himonomonona any izay very fihinanana amin’ny tsy fanarahana lalàna, fa mila fiovàna ny tanàna. Ny tsirairay aloha no mila manova tena vao ho afaka hitaky fiovàna amin’ny hafa manodidina azy, ary dia hiova ho azy ny tontolo.

Nihetsika ve ny CUA (Antananarivo Renivohitra)

Ity ilay lavaka nodradraiko teto foana! Asa na ahoana fa mba nisy polisy niambina izy ity tamin’io hariva nandalovako io, ary nisy nanisy vato ihany koa. Voamariko anefa fa toa misy dianà fitrosonana izany eo amin’ilay izy. Enga anie tsy ho ilay nolazaiko. Fa raha sanatria ka nisy an’izay, hjo anareo nahita, mba tolory tànana aho, omeo sary, ho entiko manatitra voninkazo etsy amin’ny Lapan’ny Tanàna Antananarivo Mairie raha sanatria ka nisy ny famoizana aina naterany.
Ankoatra izay, hitantsika ao anatin’ny lahatsary ihany koa ny tsy fanarahan-dalànanareo mpamily fiara. Dia hikamenona foana hoe ny scooter no miditra any anaty arabe miteraka ny loza nefa ny ataon’ny mpamily no mahatonga azy ireny tafiditra lalina any afovoany any, sy tafahoatra aty amin’ny file inverse

Valala, Mana Avy Any An-danitra Sa Fahavalo?

Ahiahy sy saina tsy nandry no nandraisan’ny mponin’Antananarivo sy ny manodidina ny fampilazàna natao azy ireo omaly. Nambara tamin’izany fa tao Anjomakely sy Amboanjobe ny valala. 20km fotsiny miala ny renivohitra, ao atsimotsimo ao. Tao no nambara fa hatory ireto biby ireto ny alin’ny Talata 08 Aprily 2014 teo.

Androany maraina àry ( 09 Aprly 2014), tsy niandry ela ny mponina izay nandre ny filazàna fa efa niomana ny amin’izay hitranga. Nanangona kodiarana tsy ampiasaina intsony. Hatao inona angaha hoy ianao?

Fiarovana ny olona sy ny fanànany

Hoy ny raim-pianakaviana iray raha sendra tafaresaka tamin’ny tena:

Ny varinay ramose efa miandry fotoana fotsiny dia hojinjaina, nefa ny valala ity mandom-baravarana. Mba tsy handry fotsy ny taranaka dia aleo ny tena no mihetsika fa tsy hiandry ny fanjakana tsy ho hita eo. Raha tena nataony ho laharam-pahamehana ve io tsy efa tany ifotony, fony izy adrisa no novonoina, fa nony hoe etsy akaikin’ny Lapam-panjakana vao hikoropaka? Sahala amin’ny fanaovana tsinontsinona ireo tany rehetra nolalovan’ilay andiam-balàla izany amiko. Sa Antananarivo manana ny sata manokana ho azy – tsy azon’ny valala itsahana na dinganina?

Màna avy any an-danitra ve?

Ho an’ireo renim-pianakaviana indray dia ny naniraka ny zanany hisambotra sy hanangona valala no nataon’ny sasany. Rehefa nanontaniana izy ireny dia tao ny namaly hoe:

sitrany ahay ramose laoka a! Sady manampy amin’ny famonoana sy fandroahana izahay no mba maka ny anjaranay amin’ity laoka tonga fotsiny ity.

Ary dia roboka tokoa ry zazalahy kely miaraka amin’ny rantsan-kazo, manenjika sy mikapoka valala ary manangona azy ireny ao anaty tavoahangy plastika.

Ady gasy ho fandroahana valàla

Tamin’ny 9 ora maraina araka ny filazan’ireo vatan-dehilahy teny an-toerana no efa tonga teny an-toerana (By_Pass) ny andiam-balàla. Tamin’io ora io dia efa raikitra koa ny fandoroana lobolobo noheverina fa toerana mety hitobian’ny valàla. Ireo kodiarana efa nomanina koa, natomboka ny fandoroana azy ireny. Ary tsy teny an-tanimbary irery fa hatrany anaty tokontanin’olona tany mihitsy no nahitàna dona-tsetroka. Maintin’ny setroka ny faritra teny amin’ny manodidina. Rehefa tsy hita tokoa moa izay famonoana valàla ataon’ny fanjakana, tsy handray an-tànana ny fiarovana ny tenany sy ny fanànany ve ny vahoaka?

Mahomby amin’ny ampahany

Tsy azo lazaina ho nahomby tanteraka anefa ireo rehetra fandoroana natao ireo. Betsaka tamin’ireo valala mantsy no tsy niala lavitra fa nihodinkodina teny ambony teny ihany nitily izay toerana azony ipetrahana. Tanimbary daholo no eo ambanin’izany rehetra izany, vary izay efa teraka ary miandry andro hijinjàna sisa raha ny hita amin’ny toerana sasany.

Very fanahy mbola velona

Hoy hatrany ireto olona ireto:

"Fomba ny miaro izay kely ananana, saingy very fanahy mbola velona ihany rehefa mahita hoe miady irery manoloana ny tranga toy izao, satria tsy hita izay nataon’ny tompon’andraikitra. Asa raha toa ka aorian’izao vao mody hihetsika ny sampana mpamono valàla mba hiaro ny volinay, sy ahitàna hoe mbola misy ry zareo ary manao ny asany. Na mety iniana tsy vonoina ve sanatria ny valàla fa sao tsy misy intsony koa asa hataony aoriana?"

Ny CNLA no tondroin’izy ireo amin’io.

Fanehoan-kevitra io tolakandro io teny amin’ny By-Pass no nentiko ho anao mpamaky teto. Fa izay mba hevitrao, ahoana? Aposahy iarahantsika mifanakalo. Fa eo ampiandrasana izany, indro ny lahatsary nalaina teny an-toerana

Io hariva io anefa dia nisy ity filazana ity avy amin’ny fanjakana foibe ( isaorana i Domoina Rasamoelson namitany hafatra):

 

FANAMBARANA
Manoloana ny fandalovan’ny andiam-balala teto Antananarivo ny Talata 8 aprily sy Alarobia 9 aprily 2014 dia mampahafantatra ny vahoaka ny Fiadidian’ny Repoblika fa efa mandray andraikitra tanteraka ny Ministeran’ny Fambolena mikasika ny famonoana ireny valala ireny. Tsy tokony hanana ahiahy isika vahoaka araka izany.
Koa manao antso avo amin’ny vahoakan’Antananarivo sy manerana ny Nosy izay mety handalovan’ny andiam-balala mba ho mailo ka tsy hihinana an’ireny valala ireny satria biby efa voararaka fanafody izy ireny ka mampidi-doza amin’ny fahasalamana.
Ilazana ireo tompon’andraikitra amin’ny Fokontany rehetra hampita izany hafatra izany amin’ny vahoaka mba hisian’ny fitandremana mikasika ny sanatria fihinanana an’ireny valala voapozina ireny.

Source : Fiadidiana ny Repoblika, sonia tsy fantatran’anarana

Safidy sy « Choix » dia Vazaha, hono, izy

Vazaha hono izy

Ny anabavin-draiko 30 taona no efa tany
fa tsy mba nanadino ny teny Gasy izany
ireo namako any am-pita
be koa no tafita
fa tsy nisy nanao azy ho valalan’alika
ny hafa kosa hono, taona 2 no vita
dia very tabilao mila tsy ho hita
na fiteny na fanoratra ny teny nibeazany
fa ny an’ny hafa indray no lasa tenindrazany
Avylavitra 09/ 04/ 2014 – 08h11 – Antsahavola

Safidy sy « Choix »

Moi, Tu vois,
cela fait deux ans, que je suis à Paris
à cause du taf et tous mes amis
la langue malgache, oh, j’ai vite oublié
tellement, tellement, c’est compliqué

Hay …
Fa tany amin’ny « Lyfr » angaha no sekoly ?
dia tao amin’ny « alliance » no niala voly ?
Sa nianatra tany an-tsekolim-bahiny
ka tena sahirana… tsy omena tsiny

Oh non, ça va
mon collège tu vois, c’était en plein Tana
c’était pas du tout, une école vazaha
c’était un CEG, le Square Poincarré,
à coté d’ «Annoussy » tu vois où c’est

Hay ,
Antanimbarinandriana, lalovako lava
rehefa hianatra, sy rehefa mirava
dia vita BEPC avy eo dia nankaiza
angamba sekolim-bazaha no nitaiza ??

oh que t’as une mémoire, c’était ça je crois,
« Antanimbari.. » quelque chose comme ça
eh ben, après, j"ai poursuivi,
au lycée d’en haut, au … lycée Gallieni

Hay …

et après le Bac, j’étais encore là bas
je « taffais » un peu à « Behoririkàh »
c’était là, que j’ai fait un peu d’économie
et puis après, je suis partie

Hay …

Cela fait deux ans, que je suis à Paris
je suis hôtesse de caisse, je travaille chez Tati
je m’intègre bien, et là ça va
surtout avec les cop’s, Silva et Nadia

Hay,
ny teny malagasy ve moa izany adino
toa sarotra ihany an, izaho aloha toa tsy mino
izaho izao taty, folo taona mahery
izaho miteny sy manoratra, tsy misy izy hoe very

oui, mais tu vois, je n’ai pas d’occasion
et en plus ce n’est pas important
même tu vois, quand il y a les soirées,
je n’y vais même pas, je ne suis pas intéressée

chacun son kif, chacun son truc
même si cette langue sera caduque
c’est pas mon souci, j’ai fait mon choix
tu veux, tu veux pas, c’est toi qui le vois

dia lasa aho nandeha tsy nanome tsiny,
nohajaiko ihany koa, fa safidiny iny
tsy hiteny betsaka aho, sao dia hoe masiaka
fa fiainany izany, izaho tsy hi »critique »

Raozigasy

Hevitra manodidina ny 29 Martsa

Fanontaniana no nentin’i Ony Rambelo nanokatra ny fanehoankeviny momba ny fety sy fankalazana ny andro 29 Martsa ataon’ny taranaka ankehitriny. Toy ny fanehankevitra rehetra ihany no amoahantska azy eto, fa anjaran’ny tsirairay mamaky no maka na tia izay fmba fijery tandrify azy.

Hoy indrindra izy:

Hotakotaka no niainan’ny malagasy rehetra niaina ny 29 martsa taona 47.Tondro-molotra mahafaty no nitranga tamin’izany. Mpikomy no anarana niantsoana ireo niana-kendry nitaky ny fahaleovantenan’I Madagasikara mba hiverenany hiaina izany indray. Tsy ny hoe hamono tena amin’ny tsy antony akory no nanesika ny ankabeazan’ireo mpikomy ireo, fa misy antony tena naharesy lahatra azy tany anatiny tany…ary tsy tongatonga ho azy fa nisy hatrany ireo nanohitra ny fanjakana mpanjanaka  teto hatrany ampiandohany mihitsy. Matoa famonoan’olona marobe tsy hita isa no nitranga tamin’iny fikomiana iny dia tao raha, tao ny fomba fijery samy hafa tsy nitovizana ka nahatonga ny faharesena sy ny tsy fahombiazana.

Raha ny tokony ho izy dia tsy misy antony tokony hahatsiarovana ity datin’ny FIKOMIANA ity. Resy anie ny Malagasy tamin’io andro mainty teo amin’ny tantarany io e! Ny mpanjana-tany no nifaly sy nitoto rebika tamin’izany faharesena izany, ary nahomby ny fampiasany ireo malagasy nahazo tombony manokana tamin’ny fanjakana tamin’izany ka sahy “nanontsana” ireo mpiray rà aminy. Faty olona mikararàna ny tao anaty lamasinina, ny tany amoron-dramomasina rehetra tany, ny fandoroana trano , ny fametavetana, ny teny ratsy maharary marobe natao nandrabirabiana sy nanafokàna ireo nipelipelika tsy nanaiky ny fanjanahana.. Dia izany ve no hotsaroantsika ankehitriny? Ho tsaroana dia hitondra inona? Mandraka ity ny anio dia mbola tsy niala tsiny tamin’ny malagasy noho ny famonon’olona nigagan’izao tontolo izao iny ny fanjakana Frantsay .Verivery maina izany ny rà latsaka teto? Fanahy iniana nodisoina ny tantarantsika Malagasy teto ka nahatonga antsika ho very hasina sy tsy manana ny maha izy azy antsika satria tsy fantatry ny taranaka ankehitriny ny tena zavamisy marina sy ny tena antom-pisian’ny fikomiana tamin’izany taona 47 izany. Ireo be tati-bolana sy nitorotoroka tamin’ny fanjakana ny fisian’io fikomiana io no nandresy sy nahomby, ka izy ireo ve tokony hifaly sy hifetifety rehefa tonga ny vanim-potoana toa izao? Tsaroana etoana fa fifaliana sy hoby ary dihy no nameno ny tanàna tamin’ny fahadimampolo taonan’io fikomiana io, ary dia fanilo miampita hono e! Firenena resy ve dia hobiana sy handihizana e!

Ankehitriny dia tonga indray ny fijery samihafa eo amin’ny tontolo politika malagasy ary tsy misy maritoerana (répère) tena azo ijoroana sy hanamarinana ny tantarany intsony ny firenena malagasy..Entin’ny fanatontoloana sy ny fitsokan’ny rivotry ny fahefan’ny matanjaka ara-toekarena ny fikorian’ny hevitra eto. Fahatsiarovana ny vanipotoana toy izao ary tokony ho fisaonana sy fandinihan-tena. Ary tokony hangina izay minia mandiso ny tantara ka tsy mijery afa-tsy ny tombotsoany manokana..Ho tsarain’ny tantara e!, aoka ny tantara no hitsara e! Fa tantara inona anefa no resahana amin’io e? Ny vahoaka Malagasy tokoa ve no nanao ny tantarany sy niaina ny tantarany hatramin’izay? Sa notefena fotsiny izy hanaraka sy hiaina ny tantara efa  tsy maintsy hizorany? Ohatra an’ireny tantara ataon’ny ankizivavy kely amin’ny vato ireny e!

Ony RAMBELO

Haute Responsabilité à l’administration du BCMM

CANDIDATURE : Haute Responsabilité à l’Administration du BCMM
(Bureau du Cadastre Minier de Madagascar)

Elisa Brice RANDRIANASOLO
39 ans, marié, 2 enfants

Docteur en Géologie: SIG /Géomatique/Imagerie géophysique

Qualifié au concours de Maitre de conférences, France (2010)

- 2000: Ingéniorat en géologie, ESPA Vontovorona, MADAGASCAR.

- 2000 – 2003:
* Responsable de communication et de cellule de cartographie, Bureau du Cadastre Minier de Madagascar (BCMM), Antananarivo, MADAGASCAR.
* Enseignant vacataire, département géologie, ESPA Vontovorona, MADAGASCAR.

- 2003-2009:

* Etudes en 3ème cycle (M2R- Thèse, géologie du Sud de Madagascar / financé par la MAE France / banque mondiale) , UJF Grenoble- FRANCE.

* Formations transversales chez ESRI, FRANCE.

- 2008-2010: Attaché temporaire d’enseignement et de recherche (ATER), Université de Savoie­  – Université Paris 8, FRANCE.
-Janv. 2011 -Mars 2011: Formation en création d’entreprise et en management (avec le CEFMD – prescrit par Pole-emploi – financé par la Région Rhône-Alpes), FRANCE.

- Depuis Avril 2011: Auto-entrepreneur, Consultant 1 Isère, FRANCE.

http://brandrianasolo.free.fr/

rohy misy ny Sarimihetsika sy ny hafatra am-bava : http://youtu.be/zCInHTRJIlM

candidature_Brice_Andrianasolo

Kely nefa mahavita izay vitany

Ao anatin’izao antso re etsy sy eroa momba ny fiarovana ny tontolo iainana izao dia tsy aritro ny tsy handefa ity traikefa iainanay mianakavy kely nandritry ny fotoana efa elaela ity.

Mamboly vary izahay, ary rehefa tonga ny fotoana fampakaram-bary, sy mandritry ny taona ihany koa, dia tsy mijanona ho anay samy irery ny vokatra. Tany aloha dia very any anaty rano mikoriana mankany anaty dalle ny loham-barinay, saingy isaky ny misy vary atapy andro ao amin’ny terrasse dia hitako hatrany fa feno voronkely tonga maka ny anjarany ao.
Teo no nitsiry ny hevitra fa ireo vary sivanina alohan’ny hahatongavany any am-bilaninay, raha very fotsiny nofafàna ho any anaty dabam-pako fahiny, dia ho angonina kosa indray nanomboka tamin’izay fotoana izay.

Misakafo in-telo isanandro isika olombelona, ary dia nanamboarana toerana koa ireto voronkely mpandalo ato an-tanàna mba hisakafo in-telo isanandro. Natao mifanao ambony sy ambany ny fitoeran’ny poti-bary sy ny rano hosotroiny. Tany amboalohany dia mbola vitsy no nahita ilay toerana, noho izy tsy tany amin’ny toerana nahazatra azy ireo, fa rehefa nandeha ny andro sy ny fotoana, dia nitarika namana sy nihamaro ny "mpiantsena" tonga ato an-tanàna (izay no lasa fiantsonay azy satria dia manao rodobe ry zareo). Efa lasa misy ora mahazatra azy ireo fivoahany mandeha miantsena, satria misy ora tahaka izay koa ny fametrahana ny vary ao anatin’ny fitoerany.

Kely nefa mahavita izay vitany io fihetsika io, koa asa raha mba afaka ny hanara-dia hanao toy izany koa ianao mamaky ny lahatsoratra raha toa ka manana zaridaina malalaka, ary isan’ireo mpanofa vary alohan’ny hahandro. Aza ariana fa tsinjovy ny voro-manidina eeeee!

Hafatra: raha hanao toy io anay io ianao, aza atao manakaiky voninkazo manana taho marefo, satria tia milingilingy sy be adiady ry zareo ka mety ho tapaka ny taho noho ny fandosirany sy fifanenjehany

Jereo anie ity lahatsary ity e

Suivre

Recevez les nouvelles publications par mail.

Joignez-vous à 868 followers